影片
更多
2025-03-25
116 瀏覽
將軍澳單車館原來隱藏住一間餐廳，間餐廳平日都滿座。晚市有散叫，亦有套餐。見到二人套餐都幾豐富，就揀咗。參巴鮮茄煮沙白大蜆，參巴辣醬同鮮茄煮出嚟嘅湯汁酸辣開胃，完全帶出咗沙白蜆嘅鮮甜味。啲蜆非常新鮮，肉質飽滿。另外，避風塘炒蟹肉意大利粉🍝避風塘嘅蒜香勁濃郁，炒得乾身又有少少辣味，炒意粉嘅火候控制得好，加埋啲蟹肉，味道唔錯。另一個主菜揀咗生薑味噌三黃雞（半隻）伴牛油烤椰菜花、日本南瓜。三黃雞雞肉嫩滑，配菜方面，烤椰菜花仲有少少牛油香味，外層微脆，裏面仲保持嫩口；日本南瓜帶天然甜味。飲品揀咗熱白桃烏龍茶及熱朱古力牛奶咖啡☕️白桃烏龍茶好清香，加埋白桃嘅果香，飲完有種好舒緩嘅感覺。朱古力牛奶咖啡，甜度唔會太高，幾好。最後甜品有Haagen-Dazs 雪糕杯，完美為呢餐飯劃上句號！
將軍澳單車館原來隱藏住一間餐廳，間餐廳平日都滿座。晚市有散叫，亦有套餐。見到二人套餐都幾豐富，就揀咗。
參巴鮮茄煮沙白大蜆，參巴辣醬同鮮茄煮出嚟嘅湯汁酸辣開胃，完全帶出咗沙白蜆嘅鮮甜味。啲蜆非常新鮮，肉質飽滿。
另外，避風塘炒蟹肉意大利粉🍝避風塘嘅蒜香勁濃郁，炒得乾身又有少少辣味，炒意粉嘅火候控制得好，加埋啲蟹肉，味道唔錯。
另一個主菜揀咗生薑味噌三黃雞（半隻）伴牛油烤椰菜花、日本南瓜。三黃雞雞肉嫩滑，配菜方面，烤椰菜花仲有少少牛油香味，外層微脆，裏面仲保持嫩口；日本南瓜帶天然甜味。
飲品揀咗熱白桃烏龍茶及熱朱古力牛奶咖啡☕️白桃烏龍茶好清香，加埋白桃嘅果香，飲完有種好舒緩嘅感覺。朱古力牛奶咖啡，甜度唔會太高，幾好。
最後甜品有Haagen-Dazs 雪糕杯，完美為呢餐飯劃上句號！
張貼
