影片
更多
2023-10-18
1960 瀏覽
經某個APP訂枱，晚上七點有半價，就連周未自助餐都有半價。睇完佢個MENU感覺幾抵玩，所以訂左星期六晚上七點到達。自助餐其實由晚上六點開始，雖然我地七點先入座，但可以食到九點半，時間幾充裕。當晚人流唔多，全場連一半客人都無，不過食物refill速度可以接受，重點食物全晚都有提供，加上完全唔駛排隊，基本上食一個鐘都飽哂😂冷盤海鮮有五款，分別係蟹腳、麵包麵、凍蝦、螺、青口，個人覺得螺幾好食，彈牙、有鮮味、又唔會過鹹。前菜除左有沙律菜供自行調配外，另有日式冷麵、火腿、煙鴨胸、芝士盤、餐包等。我印象最深嘅係紫薯沙律，唔知係壞左，定係因為有蘋果，食落酸嘅。後來換左洋蔥蛋薯仔沙律，食落係樂事酸忌廉洋蔥薯片味，好啱我胃口😋。刺身有鯛魚、三文魚、吞拿魚、阿根庭紅蝦、墨魚、北寄貝、馬刀貝；個人覺得最值得Encore嘅係紅蝦，大大隻、又甜!!😋 可惜佢係限量供應，當晚我同男友兩個，每人只係食到兩隻。餐廳主打即開生蠔，每人每次只可以拎兩隻，不過由於無人排隊，當晚我一個人食左八隻。雖然唔算好肥美、有時有少少蠔碎，不過食落幾甜、少少鹹，第二日亦無肚屙、唔舒服，食得過😏。由於熱食有蓋冚住，所以我無逐一打開影相。餐
當晚人流唔多，全場連一半客人都無，不過食物refill速度可以接受，重點食物全晚都有提供，加上完全唔駛排隊，基本上食一個鐘都飽哂😂
冷盤海鮮有五款，分別係蟹腳、麵包麵、凍蝦、螺、青口，個人覺得螺幾好食，彈牙、有鮮味、又唔會過鹹。
前菜除左有沙律菜供自行調配外，另有日式冷麵、火腿、煙鴨胸、芝士盤、餐包等。我印象最深嘅係紫薯沙律，唔知係壞左，定係因為有蘋果，食落酸嘅。後來換左洋蔥蛋薯仔沙律，食落係樂事酸忌廉洋蔥薯片味，好啱我胃口😋。
刺身有鯛魚、三文魚、吞拿魚、阿根庭紅蝦、墨魚、北寄貝、馬刀貝；個人覺得最值得Encore嘅係紅蝦，大大隻、又甜!!😋 可惜佢係限量供應，當晚我同男友兩個，每人只係食到兩隻。
餐廳主打即開生蠔，每人每次只可以拎兩隻，不過由於無人排隊，當晚我一個人食左八隻。雖然唔算好肥美、有時有少少蠔碎，不過食落幾甜、少少鹹，第二日亦無肚屙、唔舒服，食得過😏。
由於熱食有蓋冚住，所以我無逐一打開影相。
餐廳另一主打----芝士焗龍蝦
雖然唔係新鮮龍蝦，不過肉質唔韌、唔梅之餘，仲OK彈牙；如果食到有膏嘅龍蝦，更多左膏香添。我同男友兩個加埋食左6.5隻🤣
燒西冷都唔錯，幾有牛味，中間紅色位最淋，邊位點都會乾少少。
燒羊架就差D，有羊味，但熟得制，如果生番少少就更好。
白汁龍蝦鉗伊麵同上湯龍蝦鉗伊麵，蝦鉗大大隻，而且已經撲裂左個殼，好易就食到。
和牛壽喜燒，即叫即煮，全晚最熱嘅食物，可惜個汁太鹹、牛肉亦見普通。
熱食仲有冬菇炆鮑片、蒜蓉炒西蘭花、口水雞、蒜蓉炒和牛粒(我覺得味道麻麻，無牛味，建議食西冷扒好D)、清酒煮蜆(焗得太耐，蜆好硬，而且有沙)
一中一西湯，我唔記得中湯係乜，西湯就係意大利雜菜湯，好鹹。
甜品方邊，雖然唔多，我主要食窩夫同HaagenDazs雪糕，有咖啡、雲尼拿、朱古力曲奇三款。窩夫因為長時間比燈曬住而變硬，所以我係昅住佢出新先拎😅
飲品方邊有熱茶、凍茶、咖啡、檸檬、橙汁、雜果賓治提供。
職員服務幾好，有笑容，收碟夠快。餐廳地理位置雖然唔係好方便，由葵興站出發都要行十分鐘，晚上沿路亦幾靜，不過餐廳環境幾乾淨、座位幾舒服、唔會好嘈、食物不停Refill，原價成人要$568，而家半價加一後人均$340，整體食物種類同質素都比預期好。
張貼
