影片
更多
2025-04-26
0 瀏覽
真係唔知點解會有咁多好評！M5和牛壽喜燒意大利飯入面嘅「M5和牛」完全係得個柴字，完全食唔出應有嘅肉味同埋口感。而且意大利飯嘅味道同壽喜燒和牛嘅汁，令到呢個飯變成一個湯飯，完全唔似一個意大利飯應有嘅水準！ 北海道帶子明太子意粉雖然個名寫到明有明太子，但係我就食唔到明太子應有嘅味道。而且我發現意粉入面加咗茄肉碎，令到成個意粉有種酸味，唔知呢個係大廚嘅心思，定係想掩飾明太子份量少得可憐嘅事實？ 宇治金時班戟每一樣都只不過係東拼西湊出嚟嘅所謂甜品： 維記嘅雪米糍，神似雀巢紅豆雪條嘅雪糕，放題質素嘅所謂綠茶蛋糕，極度難食嘅Pancake。藍莓芝士蛋糕芝士味淡到幾乎食唔出，藍莓醬又假甜。而且當我哋用半個鐘食晒主菜諗住休息一陣先嗌上甜品，但係店員已經急不及待收晒我哋啲碟自動上咗甜品俾我哋….除此之外我哋有叫到Menu上嘅飲品，但係不得不提，連杯清水都係重災區！佢提供嘅水有陣怪味，就好似平時喺大眾茶餐廳飲到嗰種水一樣有陣「杯/容器冇洗乾淨」嘅味道，仲要混合埋啲水本身嘅異味，飲一啖已經覺得不可接受。 喺環境方面大家可以參考其他食評嘅環境相，會發現冷氣機嘅出風位係黑色嘅，如果細心睇，會見到原來係
M5和牛壽喜燒意大利飯
入面嘅「M5和牛」完全係得個柴字，完全食唔出應有嘅肉味同埋口感。而且意大利飯嘅味道同壽喜燒和牛嘅汁，令到呢個飯變成一個湯飯，完全唔似一個意大利飯應有嘅水準！
北海道帶子明太子意粉
雖然個名寫到明有明太子，但係我就食唔到明太子應有嘅味道。而且我發現意粉入面加咗茄肉碎，令到成個意粉有種酸味，唔知呢個係大廚嘅心思，定係想掩飾明太子份量少得可憐嘅事實？
宇治金時班戟
每一樣都只不過係東拼西湊出嚟嘅所謂甜品：
維記嘅雪米糍，神似雀巢紅豆雪條嘅雪糕，放題質素嘅所謂綠茶蛋糕，極度難食嘅Pancake。
藍莓芝士蛋糕
芝士味淡到幾乎食唔出，藍莓醬又假甜。
而且當我哋用半個鐘食晒主菜諗住休息一陣先嗌上甜品，但係店員已經急不及待收晒我哋啲碟自動上咗甜品俾我哋….
除此之外我哋有叫到Menu上嘅飲品，但係不得不提，連杯清水都係重災區！佢提供嘅水有陣怪味，就好似平時喺大眾茶餐廳飲到嗰種水一樣有陣「杯/容器冇洗乾淨」嘅味道，仲要混合埋啲水本身嘅異味，飲一啖已經覺得不可接受。
喺環境方面大家可以參考其他食評嘅環境相，會發現冷氣機嘅出風位係黑色嘅，如果細心睇，會見到原來係發霉！明顯完全冇清潔過，見到都覺得唔開胃。
張貼
