餃掂手工餃子雲吞專門店

呢間店細細地，座位不多，不過菜式都幾特別，仲好鍾意用黑松露白松露添。例如你以為餃子黎黎去去都係嗰啲餡料，但試吓龍鳳松茸雙煎餃（$86），餃子原來都可以配黑松露和白松露，感覺即刻升價左！食落味道都幾夾，而且煎餃好香口。真係可以話係皮薄餡靚。仲有龍鳳蛋（$32/碟），就係流心蛋加一點黑松露/白松露，香氣滿溢，流心程度剛剛好，幾好味。同埋餃子餡通常都係豬肉，不過呢度竟然有壽喜燒牛肉餃（$56），連同洋蔥炒香左嘅牛肉做餃子，又幾特別喎。呢度大部份都可以揀煎餃或者灼餃，不過個人認為煎餃香口啲。我哋仲叫咗自家製山楂雪梨水（ $80 /渣），估佢唔到咁大渣，正常一渣都係四五杯左右，佢用呢個樽直情可以斟到七至八杯，超抵呀。呢個山楂雪梨水酸酸甜甜，開胃得來又清涼，唔錯唔錯。開頭驚唔飽仲叫多咗個淨麵，$20咁大碗又係好抵！