RUE DU LIBAN

營業中

休息中

👦🏻同爸爸行開尖沙咀，諗住帶爸爸食d特色菜，就一齊黎到位於尖沙咀山林道既RUE DU LIBAN，餐廳裝潢華麗，用左不同阿拉伯式既吊燈，牆身以黃藍間條，充滿異國情懷。而店員服務態度好好，見我地第一次食就熱情介紹不同特色菜式，仲同我地講不定時會有傳統肚皮舞表演。🌟Beef Short Ribs牛肋條經過慢煮後，肉質變到極為淋身，咬落口可以話係入口即溶，同時配有薯蓉同蔬菜，薯蓉食落好順滑。🌟Lamb Kofta呢個係特色阿拉伯菜之一，烤羊肉串配上香料，咬落塊去羊肉特嫩，完全唔會有羶味，可以配上青紅椒同洋蔥，包住薄餅皮一齊食！而最值得講既係，點上餐廳特製既芝麻醬係更加美妙既配搭！🌟Vermicelli Rice呢個Vermicelli Rice值得一讚，每啖飯都充滿左自家製脆片，食落去微酸而有咬口，夠哂開胃！🌟Lebanese French Toast多士一上枱爸爸已經話好精緻，面層椰棗蓉甜汁，中間一層奶酪醬，多士佈滿藍莓，開心果粒，而且塊多士極厚身，食落層次分明，唔會太甜！🌟Arabic Mint Tea薄荷花茶黎講味道清新，薄荷味重，岩哂用黎開胃同餐廳飲翻杯作為消滯之用。