民泰四七 (已結業)

黃埔港鐵通車後多左黎呢頭，黎過都知呢條街好多餐廳，好多野食！一開始係俾民泰四七呢個名吸引，之後見到好多人黎呢度食就入去試下！餐廳有大大幅壁畫，有啲座位高高的，好有文青feel，哈哈首先，叫左個小食---蕃薯條。望落去好似炸到好燶甘，但其實佢係蕃薯，所較為深色薯條粗身，熱辣辣，炸到好脆，內裡好林，蕃薯好甜。配埋呢個芥末蛋黃醬好正！有少少芥末攻鼻既感覺，但又唔辣，超正！我地點到一滴不留，哈哈！西班牙肉丸肉丸比想像中多，有七粒。肉丸肉質唔係太實，似某傢私店食開果只，個茄汁幾好味，唔太酸，可能係因為加左酒？有一粒粒既蕃茄蓉，點埋食唔錯！黑松露奶油大啡菇寬條麵本身以為有成只大啡菇，原來已經切碎左加入麵度，有點美中不足。不過個汁幾creamy，好香既黑松露味。寬條麵軟硬剛好，有一粒粒既菌類，食落幾香。臘味炒飯炒飯入面有蝦、青口、蜆、蠟腸等。海鮮先煎過，所以好香口、爽，唔會梅晒。炒飯加入左唔同既臘腸同少少辣椒，微辣，食落好開胃！呢個甜品真係估佢唔到！好搞笑。望落去真係好似煲仔飯打開入面係甘既！個底係用椰漿同薏米整成既飯，好香椰漿味，薏米滲透左椰漿，甜甜地，好好食！面頭有藍梅、芒果、士多啤梨同脆米等。