麺屋こころ (軒尼詩道)

營業中

休息中

呢度有唔同小食麵食，小食我地試佐炸雞球同埋雞皮餃子。先講炸雞球，即叫即炸，金黃酥脆，咬開仲有肉汁，雞味香濃；另外雞皮餃子真係用雞皮包住餃子去炸，脆香酥化，咬開餃子肉餡好飽滿，熱辣辣超級好食呀(⁎⁍̴̛ᴗ⁍̴̛⁎)主食就試佐雞白湯拉麵，有叉燒片、雞肉片、溏心蛋、紫菜、蔥花、竹筍、水菜、紅椒及拉麵，叉燒片同雞肉片肉質都好柔嫩，口感好好，溏心蛋又充滿蛋香，成個搵麵口感好豐富呀(#^.^#)雞白湯真係好香，又唔油，唔鍾意食豬肉既朋友，真心大推試試！！而且呢度裝修好好，簡約裝修但又幾有日本風味，有啲自閉位又有普通梳化位，幾舒服！