享樂烘焙

營業中

休息中

蜜糖提子司康、抹茶司康 $16一個 $28兩個可室溫保存兩日，焗熱嚟食更加好食。司康質感有啲似muffin，唔黐牙，牛油香比較淡。蜜糖提子係經典口味，微微蜜糖香味，抹茶用小山園抹茶粉，茶味幾香。特濃抹茶焦糖三角 $18用丸久小山園抹茶粉整嘅厚抹茶吐司，加埋特製焦糖抹茶醬，焗到焦香。雖然我冇跟指示即日食或者放喺雪櫃之後再焗熱，但吐司依然鬆軟、有彈性。味道唔算甜，抹茶未夠濃，焗熱之後外皮都冇變脆，整體都係偏向軟綿。明太子軟包 $13軟包好鬆軟，入面都擦咗明太子蛋黃醬，咬落鹹鹹香香。雖然建議即日食，或者放雪櫃，而家天氣凍，放室溫之後焗熱都好食。湯種原味貝果 $13用低於1.6%糖，入邊冇用奶、蛋、牛油，所以可以算得上係素？因為係湯種嘅關係，所以係鬆軟，似普通麵包，唔係紐約式貝果風格。*湯種紫菜肉鬆芝士貝果 $20標榜用台灣直送肉鬆及自家製香蒜芝士，入邊冇蛋、冇牛油。貝果偏鬆軟，唔煙韌。紫菜碎感覺有啲怪怪，唔夾肉鬆餡，而且芝士份量唔夠多。