影片
更多
2024-12-15
274 瀏覽
差唔多到聖誕🎄，又到咗想食自助餐嘅時候🥹。之前食過一次The Platter覺得唔錯。今次又去食下先，主題係「鵝肝.花膠臻選自助晚餐」。早咗到仲可以去Grazzi Garden打吓卡！🌟香煎鵝肝多士我哋心目中嘅全場最佳💯。鵝肝外脆內軟，油香滿滿。配搭蘋果醬味道有層次仲好解膩。食咗幾輪覺得師傅好有耐性慢慢煎，件件嘅生熟度都控制得好好。🌟雲腿花膠鵝掌扒翡翠唔係魚肚、唔係花膠筒，而係大大件爽滑嘅花膠扒！鵝掌炆到超入味，簡單骨肉分離。呢個質素就算放喺中菜廳嚟講都算唔錯👍🏻。其他比較推薦嘅有：🦀雪花蟹腳味道好鮮甜，蟹肉一縷縷好完整。🐟清蒸海上鮮火候、時間都控制得好好，個個部位都好滑！🦐金沙蝦蝦肉勁鮮甜，加埋鹹蛋黃香勁惹味。我哋兩個人食咗10幾隻😼。🧇格仔餅次次嚟都見到自製嘅格仔餅好受歡迎。今次特登早少少出去整，唔使排隊。跟住佢嘅指示就可以整到外脆內軟嘅格仔餅，好有成功感。加埋雪糕（有杯裝Häagen-Dazs）超好食！🦞焗芝士波士頓龍蝦龍蝦肉幾彈牙。不過比起芝士會更加似白汁🥲。鍾意食白汁嘅應該會覺得正。
差唔多到聖誕🎄，又到咗想食自助餐嘅時候🥹。之前食過一次The Platter覺得唔錯。今次又去食下先，主題係「鵝肝.花膠臻選自助晚餐」。早咗到仲可以去Grazzi Garden打吓卡！
🌟香煎鵝肝多士
我哋心目中嘅全場最佳💯。鵝肝外脆內軟，油香滿滿。配搭蘋果醬味道有層次仲好解膩。食咗幾輪覺得師傅好有耐性慢慢煎，件件嘅生熟度都控制得好好。
🌟雲腿花膠鵝掌扒翡翠
唔係魚肚、唔係花膠筒，而係大大件爽滑嘅花膠扒！鵝掌炆到超入味，簡單骨肉分離。呢個質素就算放喺中菜廳嚟講都算唔錯👍🏻。
其他比較推薦嘅有：
🦀雪花蟹腳
味道好鮮甜，蟹肉一縷縷好完整。
🐟清蒸海上鮮
火候、時間都控制得好好，個個部位都好滑！
🦐金沙蝦
蝦肉勁鮮甜，加埋鹹蛋黃香勁惹味。我哋兩個人食咗10幾隻😼。
🧇格仔餅
次次嚟都見到自製嘅格仔餅好受歡迎。今次特登早少少出去整，唔使排隊。跟住佢嘅指示就可以整到外脆內軟嘅格仔餅，好有成功感。加埋雪糕（有杯裝Häagen-Dazs）超好食！
🦞焗芝士波士頓龍蝦
龍蝦肉幾彈牙。不過比起芝士會更加似白汁🥲。鍾意食白汁嘅應該會覺得正。
張貼
