阿木台灣麵 (豉油街) (已搬遷) 新店位置

之前行街都有經過見到呢間台灣麵，今日突然好想食台灣野就諗起呢間「阿木台灣麵」，嚟到門口已經見到有一個類似小賣部既區域，有唔同款式嘅地道台灣小食😍🌟鮮茄牛肉牛筋麵 $74🌟目測個湯底已經非常濃郁，鮮茄味非常香濃，牛肉同牛筋既份量同蔥花酸菜既量都係非常十足！麵條口感都相當彈牙可口😋🌟鹽酥雞 $39🌟食台灣野鹽酥雞係必須要點的🤩值得一讚既係炸粉好薄，肉嫩有汁，雞肉唔乾身，仲有如果唔想要椒鹽粉，可以圈返走椒鹽粉，好體貼的餐牌🥰🌟芝士卷鹽奶蓋炎燒烏龍茶（凍）$19🌟(加珍球＋$5 )芝士味比較濃，珍珠如果再彈牙少少就更好了👏🏻順帶一提，食既時候留意到餐廳都做緊宣傳 - 「阿木中秋套裝」有早鳥優惠，係喎！提醒咗我好快就到中秋節了😲如果諗唔到送禮比人，可以考慮吓呢幾款套裝，價錢都幾優惠，內容都好豐富🤩