嗦爸螺螄粉

營業中

休息中

螺螄粉比人既感覺係酸辣臭，但呢個就好似榴槤咁，未食過既就會覺得臭，但一試之後就會愛上既食物，當我知道呢間鋪頭開左後都有想去試下，今日終於有機會試到😚😚入到鋪頭係會有少少既酸筍味，但唔算濃郁，食完個身都冇乜味，而且冷氣亦好強，絕對唔會食到出汗嗦爸全家福螺螄粉全家福係有鍋燒，鴨腳，牛展，炸蛋同其他配料，鍋燒係類似燒腩肉，同炸蛋同鴨腳一樣，外皮有炸過/焗過，所以都好嗦湯，湯底係幾鮮，食完都唔會口乾，湯中都搵到螺螄，都幾真料實料老闆話佢地既辣係香辣為主，唔係麻辣，所以我叫左中辣，又真係唔算辣，但又幾香呢到既粉係似平時食到既米線，但又比米線粗少少同彈牙少少，我都幾鍾意嗦爸螺螄粉加炸蛋，牛丸，蟹柳，滷水豆腐，炸豬手呢個螺螄粉要左小辣，所以個湯底鮮味比較易飲得出，炸豬手好好味，炸過既豬皮好嗦湯，而且豬手既筋都炆到好軟淋，好好味😋炸豬手勁大隻馬蹄爽 & 凍豆漿凍豆漿有豆味同亦唔算太甜馬蹄爽有馬蹄肉，飲落好清新好解暑