ATUM Restaurant (已結業)

去完附近睇醫生，順便揾朋友食個午飯。之前book mark 左呢間，終於食到。舖頭有啲難搵，喺K11 Art Mall入面嘅一樓，上完電梯仲要左轉右轉先搵到。可能係星期六日冇set lunch,主菜選擇唔多。鮑魚蟹膏飯唔錯👍🏻$188鮑魚一啲都唔韌，好腍好易嚼，仲好入味，啲蟹飯都唔錯，不過覺得個份量少咗啲。煙燻蛋黃辣肉腸意粉🍝$178意粉不過不失啦，啲蛋黃都幾香、辣肉腸少咗啲啦，都係份量少。都有比餐包食嘅，不過唔係咁鍾意佢用個布袋裝住，感覺好似10年都唔使一次咁。價錢都偏貴啦，唔食物質素唔錯啦不過CP值唔高。