影片
更多
2015-03-10
13372 瀏覽
3月6日公司部門食團年及開年飯, 我們同埋另一個部門一齊食, 有13個人, 一早訂左枱落埋單, 我們6點鬆D就去到啦, 但6點半先開始, 就入去坐下, 睇下有咩食, 之前睇食見到生蠔海鮮都好似好吸引, 慢慢行睇下, 都幾多選擇呀, 有煙三文魚, 一些腸及煙魚塊, 芝士有好幾款跟餅干, 紐西蘭生蠔, 唔係即開的, 但都開完即刻攞出嚟放係D冰上面, 海鮮有長腳蟹, 小蠬蝦, 青口, 螺, 聖子, 蝦, 麵包蟹, 有蕃茄忌廉湯, 合掌瓜湯, 麵包, 煎菜沙律, 鮑魚芝麻中華沙律, 火腿腸, 刺身有三文魚, 八瓜魚, 帶子, 甜蝦, 劍魚, 希靈魚, 壽司都好多款式, 有手握及太卷, 熱葷有蒸魚, 鮑魚北菇荷葉飯, 鮑魚酥皮盒, 即切燒牛肉, 豬腳薑, 意大利雲吞, 菜等等....還有整燒的牛扒, 羊架, 疏菜, 仲有整煮的鮑魚絲燕窩粥, 生果有菠蘿, 蜜瓜, 西瓜, 還有甜品, 一些細細杯的布甸, 奶凍, 一些芝士蛋糕, 還有中式甜品, 紅豆沙, 豆腐花, 涼粉, 還有即整窩夫, 雪糕係MOVENPICK, 有八種味道, 還有朱古力噴泉, 棉花糖, 飲品有一部機係有美錄, 咖啡, 檸檬蜜綠
6:30開始啦, 即刻攞生蝦, 好肥呀, 我攞左四隻, 第一隻完全唔加任何醬汁, 好鮮甜, 又夠凍, 好味道, 之後的開始加少少檸檬汁, 都好味呀, 食了四隻都覺得新鮮, 不過要食下其它嘢, 同埋生蝦係肥果D先鮮甜, 一輪後再出的都已有咁肥, 不過都出得好快的, 蟹腳夠咸, 好味, D肉都唔會霉, 生鮮, 食左四條, 已攪左好耐, 其他人已開始食其它嘢啦, 螺, 青口, 都好鮮, 冇食麵包蟹, 仲有聖子就有好多碎殼, 麻麻地, 蝦都唔夠爽口. 鮑魚芝麻中華沙律, 細細隻, 但係只食到芝麻醬的味道, 盖過了鮑魚的味道呀. 之後就食下熱嘢先, 豬腳薑都幾入味呀, 豬腳OK淋, 雞蛋都好香, 即切牛肉好淋身, 好味, 不過好漏了, 同事攞的鮑魚北菇荷葉飯好多片鮑魚同冬菇, 但我出去攞已經冇晒了, 但係個飯都好多料及香呀, 好味. 鮑魚酥皮盒都OK, 幾香口的. 入面有些鮑魚粒.
食到好飽了, 要食下生果消化一下, 菠蘿好甜呀, 蜜瓜都係, 順便攞左一杯芒果有甸, 同埋少少焦糖燉蛋, 兩樣都幾好, 焦糖燉蛋都唔會好甜, 好香呀. 我鍾意食生果多D. 再飲番杯檸蜜綠茶, GOOD, 唔太甜, 好香, 熱辣辣.
餐廳還每人送一隻鮑魚, 鮑魚還細過件西蘭花, 但係都好香, 好濃的汁味道, 感覺係煮了長時間的, 幾有咬口呀. 再食杯雪糕, 我食朱古力及楓糖合桃味, 楓糖合桃係上次食BUFFET時食過, 覺得好好味, 今次呢度的雪糖都好多款選擇, 除了呢兩款, 還有乳酪, 士多啤梨, RUM酒提子等等. 仲有好多的配料, 有些朱古力碎, 七彩糖碎, 杏仁碎等等, 好滿足的味道.
跟住食刺身啦, 三文魚那個仕應俾左好多我, 起碼有六七件, 仲要好厚, 食到好漏, 好肥美, 正呀, 帶子麻麻地, 冇咩味的, 甜蝦都OK.
再之後還食了窩夫, 一心諗住加個雪糕球係上面, 但係太多人排隊, 攪到好熱的窩夫都變凍了, 但係咁樣的配撘真的好好味, 窩夫好香蛋的味道, 夠軟, 正呀. 還食左少少豆腐花, 都好滑.
七五折之後只係406元, 真的好抵食呀, 整體感覺係滿意, 服務好好.
92 瀏覽
0 讚好
0 留言
124 瀏覽
0 讚好
0 留言
67 瀏覽
0 讚好
0 留言
72 瀏覽
0 讚好
0 留言
76 瀏覽
0 讚好
0 留言
64 瀏覽
0 讚好
0 留言
90 瀏覽
0 讚好
0 留言
77 瀏覽
0 讚好
0 留言
78 瀏覽
0 讚好
0 留言
99 瀏覽
0 讚好
0 留言
103 瀏覽
1 讚好
0 留言
80 瀏覽
0 讚好
0 留言
張貼
