秋拾米線

營業中

休息中

好耐無落黎新蒲崗食嘢，原來開咗間新嘅米線 , 見到佢小食居然有蝦多士，好吸引。✨招牌魚腐米線：個豬骨湯味道唔錯，夠味但係唔會有好重味精感幾清甜。 呢個魚腐係自家製, 魚肉比例幾多，食落軟腍，入面仲有豆卜同埋腐皮.另外加左其他餸，墨丸同魚肉春卷幾彈牙，春卷入面仲有d 墨魚肉。✨滷水雞翼就好腍好入味✨上湯娃娃菜：個湯加埋個娃娃菜同杞子仲甜，清清地唔錯.✨慢煮豬軟骨米線：呢個係我鍾意既豬軟骨，d 骨炆到好似jelly 果種。另外加咗個千層豆腐，幾滑幾索湯。✨蝦多士：賣相唔錯自家製手作，個多士好鬆脆,蝦肉好爽口彈牙，點埋個芥末沙律醬好好味。另外我見隔籬枱好多人都點嗰個百味豆腐都好吸引，下次要再試下。