影片
更多
2021-08-04
761 瀏覽
之前喺荃灣已經試過呢間麻辣車仔麵，原來最近旺角都開咗，位置都算就腳。入店內首先去麵檔落單，然後俾錢，店員就會安排你入內坐低，自己碗麵自己拎，全程半自助。記得自己加蔥加辣，辣將有兩種，一種係秘製辣醬，另一種係魔鬼辣醬。店員好細心，會提醒你魔鬼辣醬好辣個喎，小心啲落。本人一向非常嗜辣，平時食譚仔食到小辣，所以畢咗半匙魔鬼麻辣，一食入口，真係有少少被嗆到，嗰種辣係香得來帶點刺激，麻味並唔係一入口就感受到，而係食完之後嘴唇會感覺麻麻痺痺。好正～麵底揀咗米粉，偏淋。配料今次揀咗滷水蛋、通菜、辣魚蛋同埋台灣黑椒腸。辣魚蛋好有懷舊街邊魚蛋嘅風味，都幾彈牙，配合麻辣醬勁夾。通菜份量都唔少；滷水蛋滷水味浸滿整隻蛋，口感有少少硬，同台灣滷蛋有啲似。台灣黑椒腸比較細條，只有2條，但黑椒味濃郁。杯凍檸茶勁大杯，茶味唔算好濃但少甜控制得非常好！埋單$55 四餸一麵連飲品，抵啊！
之前喺荃灣已經試過呢間麻辣車仔麵，原來最近旺角都開咗，位置都算就腳。入店內首先去麵檔落單，然後俾錢，店員就會安排你入內坐低，自己碗麵自己拎，全程半自助。記得自己加蔥加辣，辣將有兩種，一種係秘製辣醬，另一種係魔鬼辣醬。店員好細心，會提醒你魔鬼辣醬好辣個喎，小心啲落。
本人一向非常嗜辣，平時食譚仔食到小辣，所以畢咗半匙魔鬼麻辣，一食入口，真係有少少被嗆到，嗰種辣係香得來帶點刺激，麻味並唔係一入口就感受到，而係食完之後嘴唇會感覺麻麻痺痺。好正～
麵底揀咗米粉，偏淋。配料今次揀咗滷水蛋、通菜、辣魚蛋同埋台灣黑椒腸。辣魚蛋好有懷舊街邊魚蛋嘅風味，都幾彈牙，配合麻辣醬勁夾。通菜份量都唔少；滷水蛋滷水味浸滿整隻蛋，口感有少少硬，同台灣滷蛋有啲似。台灣黑椒腸比較細條，只有2條，但黑椒味濃郁。
杯凍檸茶勁大杯，茶味唔算好濃但少甜控制得非常好！埋單$55 四餸一麵連飲品，抵啊！
張貼
