快樂小羊火鍋餐廳

營業中

休息中

今日一行七人嚟到旺角打邊爐。餐廳樓底好高，空間感十足，總共三層，座位極度寬闊有點像深圳海底撈的用餐環境～以鬧市嚟講，咁既用餐環境算係唔錯！餐廳服務非常周到貼心，女侍應時不時過來加湯和加茶，又耐心介紹菜式。嚟到快樂小羊當然要點羊肉啦。事先聲明，我係唔太中意食羊既人，因為好怕羶味。但今次我竟然食左好多羊，因為我覺得唔羶！睇返d介紹先知原來快樂小羊標榜自己係用六個月大嘅蒙古放牧羊，羊既年歲越大肉既羶味都會越重，所以呢度啲羊肉食落去會無咁重羶味，我覺得鐘意食羊肉嘅朋友一定要嚟品嚐一吓，同埋同我一樣本身好怕羊羶味既朋友都可以黎一試。