快樂小羊火鍋餐廳

營業中

休息中

每次9點收工就會去旺角快樂小羊食宵夜。套餐由晚上9:30開始，有$88同$108兩款，我通常都會揀比較平$88嗰款。套餐已經包咗一款肉，一個海鮮拼盤同埋一份主食。另外仲可以任食蔬菜。🐑$88餐嘅肉類有得揀豬，牛，羊或者雞。呢度叫得快樂小羊，我就梗係揀羊啦。呢款羊肉叫做高鈣羊肉，每一塊都帶有少少軟骨，而且唔係好肥，食多幾塊都唔覺得好大負擔。🐟海鮮拼盤佢都幾豐富，有魚，有蝦，有鮑魚，仲有丸同響鈴。雖然每樣只得一件，但係一次過可以食到咁多類型都好滿足。🍜主菜方面，有淮山麵，出前一丁，飯同埋寬粉俾人選擇。我每次都一定揀寬粉，因為呢度啲寬粉同出邊食到嘅唔同，比較薄身同埋滑啲。出面有自助Bar枱俾客人調醬料同埋自取蔬菜。蔬菜種類都唔算少。今日有娃娃菜，油麥菜同埋生菜，之前晚餐時段仲試過有豆苗添。埋單每人$100都唔洗，平時淨係叫個湯底都唔止呢個價錢啦～

这次体验非常差，不是食物質素，完全被服務員嘅態度拉低晒！尤其收銀員嘅態度，非常差，愛你不理。感嘆一個餐廳點解做到每況愈下。明白點解香港人返大陸消費。以後唔會再嚟呢間餐廳消費。 與其話大陸餐廳搶走咗好多香港人嘅生意，點解自己唔檢討吓自己企業出咗問題。

午市優惠。呢個價錢真係平到笑！$28蚊🤩🤩🤩就食到咁高質嘅鐵板飯，絕對係「抵食夾大件」，性價比爆燈！打工仔午餐首選。 雙併加$4。大盛加$12。仲送飲品，可選擇汽水、特飲、啤酒都唔洗加錢。 咁個價錢去邊度搵啊。草原風味大片羊+蒙式羔羊肋卷 鐵板燒飯羊肉片厚薄適中，鮮嫩不羶，鐵板炙燒鎖住肉汁，口感軟嫩不柴，醬香濃郁帶微辣，搭配洋蔥絲，增添爽口，口感豐富，鐵板餘溫讓香氣持續飄散，米飯吸附醬汁很下飯，份量足，唯稍油膩。整體CP值高，飽足感滿分，是嗜肉者的解饞首選。

市道唔好，間間餐廳都要出奇招。快樂小羊原先$78 既午市鐵板餐都要減價到$28，平過兩餸飯！仲要免加一免茶位，送埋特飲，今時今日去邊到搵？多人等位，出餐要40分鐘。好彩質素唔錯！大片羊加左兩隻蝦，埋單$40。羊肉半生熟上檯，自己整熟佢，一d 蘇味都無，好食！白桃沙冰又勁大杯！好正！

呢間餐廳以往一路都係出名食羊肉火鍋，估唔到最近午市佢哋做特別推廣，有一個超抵食嘅鐵板套餐，低至$28起，仲要包埋嘢飲，認真誇張。 **蒙式羔羊肋卷鐵板餐** 一上枱，鐵板「滋滋」聲，煙霧瀰漫，香氣攻鼻，羔羊肋卷煎得外層微微焦脆，咬落去肉質嫩滑到似BB肌膚，完全冇羊羶味，反而有陣淡淡嘅孜然同香料香，應該係醃足時間先落鑊。佢嘅油脂分布均勻，每啖都帶住微微羊脂香。醬汁方面，可以自選黑椒汁或者蒜蓉汁。飲品方便除咗有基本嘅罐裝汽水之外，仲有一啲特飲都係免費嘅，今次我就試咗個柑桔檸檬蜜。佢哋嘅嘢飲係偏甜少少，如果怕甜嘅就記得提前講要少糖。

朋友逛街購物後，路過「快樂小羊火鍋」…見到佢個午市套餐都唔錯，經商量後今日午餐就打邊爐吧😝😂😂套餐還有自助蔬菜區…可以任食！值得一讚個金菇菜幾好食🤤朋友小食金菇都覺得個金菇幾好食🤭🤭單人火鍋盛宴…..一份肉一個麵，還有一個海鮮拼盤有魚，有蝦，有鮑魚添😝鮑魚同蝦都好新鮮，而且味道都好鮮甜鮑魚仲好彈口！羔羊上腦肉…..味道有少少羊臊味，但係是好香嗰一隻，肉質非常嫩滑！西班牙黑毛豬肉…..肉味好香濃👍👍

旺角快樂小羊真係名副其實幾快樂！而家冇以前咁多人，價錢都親民咗，但味道依然好正。  佢哋服務好貼心，會按照人頭安排合適份量。羊肉切得薄薄的，但味道鮮美又唔會過分羶，羊嘅鮮味恰到好處。  和牛一定要試！雖然唔係入口即溶嘅日本和牛，但用嚟打邊爐嘅話絕對唔會輸。羊肉滑都值得一試，口感好正。  我自己最欣賞嘅係鱔魚，煙韌度恰到好處，而且完全冇骨，食起嚟超舒服。  另外菜菜任食，種類豐富，有四款唔同嘅菜、兩種瓜，仲有我最愛嘅木耳，真係超滿足！  沙冰都好受歡迎。最加分嘅係仲有免費雪糕！快樂小羊真係值得再去！ 😊

四人食飯, 點左三輪食物, 第一輪點左牛肉, 牛舌, 羊肉, 上左牛舌同羊肉, 都感滿意, 質素唔錯, 但牛肉一直無黎, 第三輪食物都到埋, 時間都過左一小時, 已追問左呀姐3次, 話牛肉仲未有, 佢話幫我追下, 隔左陣仲未見有, 問左第二個呀姐, 佢話牛肉上左啦, 我話未上喎, 佢不斷望我地張檯, 望檯側檯底, 我話呀姐, 你不如去睇CCTV, 你而家係度懷疑我食左後收埋隻碟唔認數?? 跟住幾個都走黎睇咩事, 最後有個男服務員話儘快補回, 碟牛黎到仲要係唔新鮮, 啡啡地色, 你地都已經座唔滿人, 有時間不如訓練下啲人, 唔好用咁既態度方法去客人張檯度咁望法質疑客人食左碟野唔認數, 本來好地地, 真係食到一肚火!!!!

🫶🏻旺角-快樂小羊🫶🏻鐵板餐雙拼$68自選雙拼豬+羊🫶🏻羊有少許羶味，唔算太多口感食落OK🤓🫶🏻豬肉比較普通，冇咩特別🙈🫶🏻有兩個醬汁可以自行添加蒜蓉汁比較推薦味道相對突出😎反而黑椒汁比較淡😨🫶🏻所以極力推介加多啲蒜蓉汁相比之下會比較好味啲🤣🤣🫶🏻人均$7x

旺角呢間快樂小羊真係一間好受歡迎嘅羊肉火鍋店，每次去都係坐無虛席，好彩我地一早訂咗房，唔洗等。房間裏面好寬敞，可以一人一鍋火鍋，佢地主打新鮮羊肉，食過幾次，都一樣保持水準。首先佢地嘅羊肉真係好新鮮，切得好薄，烹煮之後好入味，好香嫩。而佢地嘅牛肉亦都好出色，亦都切得好薄，咬落去好嫩滑，而且好重牛味。而白鱔片就更加係爽口彈牙。仲有佢地嘅象拔蚌刺身，非常新鮮，爽口鮮甜，咬落去好有口感，超正！最重要係佢地嘅湯底，選擇多樣，有清湯、麻辣、蕃茄湯底等等，每款都好香濃，而家仲新出咗個菇菌湯底，味道好濃郁，而且香氣撲鼻；仲可以選擇兩款鴛鴦鍋底都得，好貼心！環境方面，店內裝修簡單舒適，適合朋友聚餐或者家庭聚會。總括來講，無論係食材質素定係用餐氣氛，都令我好滿意！

收到短信1月19日起光顧快樂小羊午市5折，便決定來試一試入座後為安心，先問清楚如何計算午市5折 (因為大家都知道總有條款指什麼什麼不計在內)。服務生指單點的菜就算5折，服務生還主動給我們菜單。打開菜單發現有2個價格，其中貼住 "新價"，我們再問是按新價還是原價算5折，服務生回覆是按新價算5折。買單時發現小票跟菜單金額對不上，就問收銀員是怎麼一回事。收銀員指，是按掃碼看到的金額 (即小票的) 而不是什麼新價原價。是快樂你羊的服務生說的，我們理解了才下單，但買單時又另一個說法？收銀員打電話內部再問一下，沒有任何解釋情況下，直接一句：是按掃碼看到的金額 (即小票的)。我們都不再吵下去就付了，反正就是失望了，快樂小羊就這樣搬龍門，好在差價不大，要不然她一句按時價我們也要付。大家要好好考慮是否幫襯快樂小羊。我們是來吃羊的，不是當羊牯。我係香港人，打書面語係因為會po埋去其實平台，方便大家睇自行定奪黎唔黎做水魚。

自己睇顏色質素唔識評論 脂肪位全部都係黃色唔知你哋食嘅時候係咪咁樣？我以前食嘅時候都唔係特別靚仔中間啲脂肪位起碼都叫白色佢呢隻黃色係咪都應該擺咗幾個月先有呢個咁嘅水準？感覺似係就嚟執笠，趕住求其清貨同咗佢哋經理反映又好似冇乜反應仲話啲肉咁樣係正常價錢就照收 你唔取消晒成碟都至少呢碟嘢打個折扣啦除咗牛唔得 個湯底都係求其垃圾湯包清湯同埋辣湯都冇乜味就得鹹字冇呢個牛咁差，嗰下都冇影相 有興趣自己試吓係咪中伏 加油

早排－碌社交平台就見到快樂小羊🐑除咗打邊爐之外，仲新推出埋熱辣辣嘅鐵板飯系列🤩喺咁凍嘅天氣底下，可以享受到一份熱辣辣既美味，絕對系暖身又暖心💕❤️加上而家只要讚好、分享佢哋嘅社交平台專頁同post，即時就有埋個7折優惠添丫‼️感覺好抵食👍🏻👍🏻小妹睇到之後梗係唔執輸過去試吓啦❣️小妹入到去即刻叫咗個主推既蒙古羊肉🐑拼美國穀飼牛肩脊🐮鐵板飯，朋友就叫左個特選海鮮🦐拼大片羊鐵板飯💖招牌蒙古羊羊味濃而不羶，經過鐵板高溫既炙烤，肉肉🥩鮮嫩既肉汁得以成功鎖住🤟🏻香噴噴再加上外焦內嫩多肉汁既口感，真係惹味香口冇得彈👍🏻👍🏻味蕾超級大滿足‼️仲要羊肉🐑、牛肉🐂、豬肉🐷、雞肉🐓或素食🥒，呢度都全部有得揀，梗有－様啱到你‼️折完之後，一個飯都只係幾十蚊，真係抵到笑❣️🐑快樂小羊＃快樂小羊火鍋餐廳 ＃快樂小羊火鍋料理 #蒙古菜 ＃羊肉控 #香港美食＃鐵板飯#鐵板餐＃午餐優惠

話說早排同朋友去快樂小羊🐑食午餐嗰時，見到隔籬枱有人叫左束好靚嘅羊肉手捧花💐送俾女朋友，為食小妹見到當堂即刻心心眼 😍真花就話可以冇我份啫😉但係睇得又食得嘅花為食小妹梗係一定要擁有啦🤣自己送俾自己都可以好浪漫🥰所以隔左唔夠兩日，我地又過左梨食嘢啦😜既然小妹係為咗紮花而過梨，唔使講都知呢次一定係打邊爐啦😛湯底我地揀左養生清湯同維C蕃茄湯，蕃茄湯茄味濃厚，甜甜酸酸，係小妹偏愛嘅口味🫶我哋仲叫咗：🌟羊肉手捧花🌟花束造型高貴典雅，相信冇一個女仔唔鍾意🤩萬一遇着個好似小妹咁為食嘅女仔，就更加易淪陷🤨🌟塔拉上的快樂卷🌟同手棒花一樣都係來自內蒙古「呼倫貝爾」同「錫林郭勒」大草原既頂級羊肉👍🏻低溫鎖鮮直送！鮮嫩不柴，肥瘦均勻、仲要羊味十足！就算唔係羊肉控都一定會愛上‼️小妹本身就鍾意食羊肉呢d，就更加一試難忘，再試瘋狂🫰🏻🌟牛肩脊🌟雖然呢度最出名係食羊肉，但係呢度既牛肩胛亦都唔會輸蝕，牛味香濃肉又嫩，有埋乾冰效果，感覺更加大氣🤟🏻食咗咁多肉會覺得膩⁉️唔緊要，出面仲有個自助疏菜台可以免費任食，淥返幾條菜中和下，有菜有肉，今餐又係大滿足‼️😜＃快樂小羊火鍋餐廳 #快樂小羊火鍋料理 #蒙古菜 #抵食火鍋＃羊肉控

📍#旺角 #快樂小羊#羊羊在旺角#羊羊在九龍早前看到做優惠，午市單點竟然4折😱不過現在就改成推出一人套餐，$88起包湯底，連宵夜時段也有，同樣也划算🤑🍴餐廳點評環境舒適，2人也能坐卡座🛋以價錢麵來說，食物質素算高、新鮮😌重點‼️蔬菜是任吃，在自助吧夾，還會主動補充，有良心🥹💁🏻‍♀️有咩精選🍲湯底 (麻辣+清湯) $88出乎意料之外便宜，還以為湯底會很貴🤣麻辣不太辣，聞到麻香、吃下不麻🤪清湯有味，不會越煮越鹹，到自取吧加點菜一起煮更鮮😁🐑A級羔羊肉 $28才$28有一大盤，現在好像轉了其他款🤔這款肉恰好處，羊肉厚度正常，羊羶味不太重，不會太油或乾😚性價比之選👍🏻這是牛肉🥟黑松露羊肉餃 $18不常見用羊肉做餡，還加了黑松露，真香😤吃下去滿滿的肉汁，羊羶味更濃，喜歡💕不過🐻說一般，所以口味因人而異😉這是三色滑💁🏻‍♀️飲料🍇巨峰提子沙冰 $28大大一杯，甜度非常高🍬單喝不行，吃到熱辣辣喝就可以消消暑😂價錢－ ～$350 (有收$16/茶位評分－回頭草指數（🍀🍀🍀🍀🍀滿分）食物：🍀🍀🍀🍀🍀環境：🍀🍀🍀🍀🍀服務：🍀🍀🍀#hkfoodie #吃喝玩樂 #原相直出 #旺角美食 #九龍美食 #美食推介 #