影片
更多
2025-04-28
0 瀏覽
每次9點收工就會去旺角快樂小羊食宵夜。套餐由晚上9:30開始，有$88同$108兩款，我通常都會揀比較平$88嗰款。套餐已經包咗一款肉，一個海鮮拼盤同埋一份主食。另外仲可以任食蔬菜。🐑$88餐嘅肉類有得揀豬，牛，羊或者雞。呢度叫得快樂小羊，我就梗係揀羊啦。呢款羊肉叫做高鈣羊肉，每一塊都帶有少少軟骨，而且唔係好肥，食多幾塊都唔覺得好大負擔。🐟海鮮拼盤佢都幾豐富，有魚，有蝦，有鮑魚，仲有丸同響鈴。雖然每樣只得一件，但係一次過可以食到咁多類型都好滿足。🍜主菜方面，有淮山麵，出前一丁，飯同埋寬粉俾人選擇。我每次都一定揀寬粉，因為呢度啲寬粉同出邊食到嘅唔同，比較薄身同埋滑啲。出面有自助Bar枱俾客人調醬料同埋自取蔬菜。蔬菜種類都唔算少。今日有娃娃菜，油麥菜同埋生菜，之前晚餐時段仲試過有豆苗添。埋單每人$100都唔洗，平時淨係叫個湯底都唔止呢個價錢啦～
套餐由晚上9:30開始，有$88同$108兩款，我通常都會揀比較平$88嗰款。套餐已經包咗一款肉，一個海鮮拼盤同埋一份主食。另外仲可以任食蔬菜。
🐑$88餐嘅肉類有得揀豬，牛，羊或者雞。呢度叫得快樂小羊，我就梗係揀羊啦。呢款羊肉叫做高鈣羊肉，每一塊都帶有少少軟骨，而且唔係好肥，食多幾塊都唔覺得好大負擔。
🐟海鮮拼盤佢都幾豐富，有魚，有蝦，有鮑魚，仲有丸同響鈴。雖然每樣只得一件，但係一次過可以食到咁多類型都好滿足。
🍜主菜方面，有淮山麵，出前一丁，飯同埋寬粉俾人選擇。我每次都一定揀寬粉，因為呢度啲寬粉同出邊食到嘅唔同，比較薄身同埋滑啲。
出面有自助Bar枱俾客人調醬料同埋自取蔬菜。蔬菜種類都唔算少。今日有娃娃菜，油麥菜同埋生菜，之前晚餐時段仲試過有豆苗添。
埋單每人$100都唔洗，平時淨係叫個湯底都唔止呢個價錢啦～
張貼
