汐

營業中

休息中

今日嚟到銅鑼灣呢間和風樓上cafe食lunch, 室內設計簡潔明亮，仲有榻榻米位同埋吧枱坐位可選。我同朋友揀咗兩款意粉，其中一款仲係今日廚師發辦。當天既廚師發辦，餐廳會寫在黑板掛在牆上。客人見到就唔怕omakase會食到啲自己唔鍾意嘅食物喇。明太子意大利粉配珍珠帶子今次食呢款明太子意粉，幾特別，濃郁的明太子鹹香，伴隨著番茄的酸甜，層次豐富而不膩口。珍珠帶子細細粒，鮮甜肉嫩，仲有爽脆嘅菇菌。廚師發辦omakase天婦羅魷魚配龍蝦汁忌廉意粉天婦羅魷魚外酥內嫩，龍蝦汁忌廉意粉濃郁鮮美，兩者搭配相得益彰，令人回味無窮。醬油七味雞皮餃子炸雞皮包裹肉餡，外皮酥脆，內餡多汁，加上七味粉提香，口感豐富，令人驚艷。七味三文魚腩串外脆內嫩，魚肉鮮美，配上七味粉微辣，食完一串再想食多串。芝士蛋糕送入口中，濃郁的芝士香氣瞬間在口腔中蔓延，餅底淋，但配料有脆米和燕麥片，口感一啖軟滑一啖卜卜脆，非常夾。熱美式咖濃郁醇厚，微苦回甘，香氣撲鼻，正常發揮，食完煎炸小食後可解油膩。店內空間感十足而且裝飾非常有日式風味，令人可以放輕鬆享受美食之餘，還可以與朋友靜靜聊天，放慢腳步。