古琴雅苑 (QRE Plaza)

營業中

休息中

古琴雅苑係我地都經常食既餐廳，灣仔區要搵到好食嘅上海菜，而又環境坐得舒服, 古琴雅苑係不二之選。餐廳位於合和中心對面，交通方便。環境好闊落，景觀都好靚。一個半開放式嘅廚房，可以睇到廚師即場烤鴨，煮菜，好有娛樂性。餐牌選擇多, 唔同京滬菜式都有, 樣樣都好吸引, 我地諗左一陣, 最後揀左一D人氣既小菜。前菜有炸脆鱔, 香口得黎又帶一點甜，當開胃小菜一流。主菜招牌北京烤鴨, 半隻份量都算大份, 唔算肥, 啱我口味, 仲有多款配菜同醬汁。一口酥真係特別香脆，入口即溶，不過有點油膩。烤鴨皮非常脆，鴨肉好鮮嫩，皮肉比例適中，包埋餅皮一齊食唔會太油膩, 好正。松子魚, 味道同樣出色。賣相非常吸引，外脆內嫩, 炸得啱啱好，魚肉脆口結實，魚身起晒骨, 啖啖肉。酸甜汁味道適中，係好好味嘅手工菜。雲吞雞,湯好清好鮮甜，雞味濃郁。半隻雞都好嫩滑，雲吞同菜嘅份量都幾足, 飲完好舒服。餐廳嘅食物水準同環境都非常唔錯, 係一個同朋友家人聚會既好地方。