山

營業中

休息中

💁‍♂️ 7/4/2023(Fri), Lunch🍽

今日A先生帶住二奶，一個人去到銅鑼灣耀華街既食廈The Zing!樓上既Omakase餐廳「山」食lunch。餐廳以食Omakase為主，午市都有供應。不過今日A先生就無點到Omakase，而係點咗午市既12貫壽司🍣加一卷物。

餐廳既裝修簡潔，用上木🪵系既裝飾，加上一排開揚既窗，令到整間餐廳都光猛明亮。牆上既畫、裝飾、竹既餐墊、筷子座、甚至咕臣都有山既元素。

2 瀏覽

服務都好體貼，剛坐下待應就奉上熱茶；點餐時又會問你有咩食物唔食；又會介紹返茶碗蒸、甜品等既製法同食材（當然壽司就由返師傅親自介紹啦），最後重提議可以去露天位置睇睇個馬場景。

都係講返食物先，而今日A先生order咗：

🔆 寿司盛り合わせ12貫+1巻物（$728）

🔆 茶碗蒸

呢度既茶碗蒸係有三層，分別係最底層既大和山芋蓉，中間係蛋同埋銀杏、冬菇🍄同鳴門卷🍥，最面頭就係一個蟹🦀️芡加少少三文魚子。食既時候一匙羹🥄𢳂到落底，就可以食晒三層唔同既食材，有蟹🦀️芡既鮮味同蟹肉絲；加上中間既滑蛋🥚同蛋香；再配合底層既山芋蓉黏黏滑滑既質感，每層都恰如其分，沒有搶到其他食材的味道，就係入口清得來又夠鮮味。

🔆 沙律🥗

沙律🥗菜新鮮爽脆，配日式醬汁酸酸地十分開胃，正好迎接12貫壽司🍣。

🔆 食完茶碗蒸同沙律，師傅會開始喺你面前用佢純熟既手法去手握壽司🍣，握出嚟既壽司不鬆散不死實，而且呢度既壽司用上赤醋飯，食落酸味溫和一d，仲會就住你既進度逐件逐件咁上。基本上師傅已經為每件壽司用上合適既調味，配合唔同既食材，所以A先生都無點過枱面既豉油。

呢個壽司盛既12件壽司🍣分別係：

1 瀏覽

（1）真鯛

用上辣蘿蔔蓉作調味，帶出真鯛既魚味。

（2）日本間八

即係野生既章紅魚，用上紫菜同芝麻調味，紫菜及芝麻既香氣加上偏爽既魚肉，味道很配合。

（3）深海池魚

深海池魚比一般池魚既魚味同油份重d，用上柚子胡椒同豉油調味，入口感受到魚肉比較細緻油滑，魚味鮮得來又濃。

1 瀏覽

（4）北海道甜蝦🦐

蝦味鮮甜，用上豉油及本身既蝦膏作調味，食來蝦味更加濃郁。

（5）北海道帆立貝

帆立貝夠厚肉，配上青檸豉油以及柚子皮，入口清新爽口。

（6）鰤魚

即係野生油甘魚，魚味同油份都比普通既油甘魚重，師傅既做法係喺魚肉上再放用少少用上魚腩同京蔥切碎既蓉，所以入口有魚肉既濃味，又有魚腩既魚油香。

（7）鮫鰈

又稱沙鰈，師傅喺魚肉上面放上一小件用醬油漬過及燒過既裙邊，再配上自家製梅醬同紫蘇葉。裙邊既油香味濃漬過及燒過很更加香口，而梅醬同紫蘇葉就正好中和返油膩感。

（8）地金目鯛

比起金目鯛更加矜貴，配上日本芽蔥，火炙過之後魚皮香口好食。

（9）銀雪魚BB

來自北海道既深海，經過醬油漬過之後再燒，入口魚味重又滑，而燒過之後更添香氣。

（10）鯖魚

夾住青瓜絲、黃瓜絲及紫蘇葉，再放上紫菜面送上，食落紫菜香脆，鯖魚既魚味濃而青瓜絲、黃瓜絲及紫蘇葉就帶出返清新爽口既感覺。

（11）北海道浜中小川馬糞海膽

海膽顏色金黃，入口幼滑而海膽味濃，即使已經吞咗落肚，但濃濃海膽味仍在口腔不斷徘徊。

（12）中拖羅

師傅表示呢件中拖羅係熟成咗大約9日，經過熟成之後魚味更濃郁，即使係中拖羅，但入口依然油份充足，配上紫蒜醬油及蘿蔔蓉，魚肉軟滑好食。

🔆 蔥拖羅手卷
吞拿魚蓉魚香同油脂香都足夠，加上蔥既香味同埋紫菜既香脆，正好為呢一餐午飯作結。

🔆 麵豉湯
餐廳用上三種唔同既麵豉嚟煮呢碗麵豉湯，麵豉味香濃而唔會過鹹。