癡膠雞 (軒尼詩道)

營業中

休息中

今次第二次嚟食，佢除咗有招牌嘅花膠雞湯之外，我更鍾意嘅係藥膳雞湯底。一入門口就聞到好香嘅藥材味，如果可以多啲黃酒味就更加好🥰藥膳雞湯底比花膠雞湯底更加濃郁，雞肉都好滑。成碗麵都幾足料，花膠大約三至四塊亦都唔算細塊，雞件都好多, 一個男人夠食到飽。另外必嗌嘅就係椒鹽炸豆腐，外脆內軟又入味！每次嚟到必叫。$68有花膠有雞有藥膳黃酒，算係CP值比較高既餐廳。另外佢仲可以成個火爐咁上，如果冬天食就更加正。