明軒小館

營業中

休息中

港島區食過好多日式西式餐廳，上海菜都係第一次食。小店主打蟹粉撈麵、伴飯及點心，環境寬闊明亮，空間感強；開放式廚房，製作透明度高；木系設計，牆上掛有螃蟹國畫，既賞心悅目又貼合餐廳主題🦀上海蟹粉係蟹粉界既代表，最大特色一定係選用大閘蟹製作，因為蟹膏及油分豐富，加上橙黃色夠搶眼，有助提升食慾Lunch每人Order左一份lunch set，$268/位，包括山珍湯x1, 點心x2, main x1, 寧波芝麻湯圓 x1，足料高CP，食完大滿足🥰🍄‍🟫山珍湯以竹笙、松茸、羊肚菌等材料烹調，素湯清甜，幾香菇菌味，天然無味精，暖笠笠又健康☺️🥟點心蟹粉粢飯糕係上海出名既小食之一，製作繁瑣，以黑龍江東五常大米混合日本米，1:1份量混合蟹粉，炸至外層香脆，內層軟糯，口感嚼勁十足，加埋蟹粉甘香濃郁😋有驚喜禿黃油糯米燒賣口感煙韌，細嚼下食到蟹粉鮮味蟹粉小籠包傅統小籠包係十八摺，包頂既摺口厚度適中，包皮夠薄而富彈性，外觀晶瑩剔透，皮薄餡鮮，肉汁豐腴，頗有水準🌾至尊蟹粉撈麵手工拉闊麵即叫即做夠晒新鮮，麵身以日本麵粉製作，彈牙掛汁，蟹粉鮮甜無腥味，每份用上十隻大閘蟹蟹膏，非常足料，加埋薑粒黑醋提鮮解膩，令口感味道