明軒小館

🦀咁正嘅蟹粉小籠包竟然冇人講?! 最近去咗位於上環呢間蟹粉上海菜館 - 明軒小館，主打大閘蟹同蟹粉菜式，餐廳空間闊落舒適~我地點咗➡️”清酒墨魚仔"，墨魚仔爽口彈牙，浸住清酒香慢慢滲出嚟又唔會搶味，凍食開胃一流!👍🏻➡️”水晶蟹肉凍"，個造型好得意，透明小蟹仔形狀，包住絲絲大閘蟹蟹肉嘅水晶肉凍，眼睛用蟹醋製成，好有創意，咬落去醋汁爆出黎，酸酸甜甜好開胃，不過如果蟹肉多d就更好!➡️”蟹粉小籠包"係全場MVP! 皮薄湯多，夾起嚟搖下睇到湯汁盪漾，透光唔穿底! 一啖咬落去蟹粉湯汁湧出嚟，建議咬細孔啜啖湯先，蟹粉同豬肉比例啱啱好，好鮮甜！雖然一籠只有四隻，但咁高質素絕對值得一試！黎到主食➡️”至尊蟹粉蝦仁鍋巴"，係必食推薦！上檯時「咋咋聲」勁治癒～蟹粉多到瀉，仲有啲蟹膏撈埋，超級足料！熱辣辣鍋巴淋滿金黃蟹粉，仲有大大隻蝦仁，鍋巴脆卜卜夾住濃郁蟹粉汁，吸汁後仲keep到脆口！另外仲點咗➡️”蟹粉栥飯糕"，我覺得比鍋巴又香口，外層炸得金香，入面飯粒軟糯，可以加入蟹粉食，黐住每粒飯，邪惡但停唔到口啊！最後仲點咗2款甜品，➡️"老上海法式焦糖燉蛋"，外型用蛋殼造型好cute，面頭焦糖金黃香脆，燉蛋好滑，蛋香超濃，甜度啱啱好！➡️"薑汁鮮奶燉桃膠"，食完濃味嘢食呢個最啱，薑汁微辣帶出奶香，桃膠滑嘟嘟養顏又解膩，食完成個喉嚨暖笠笠！🔸清酒墨魚仔 ($58)🔹水晶蟹肉凍 ($68)🔸蟹粉小籠包 ($88)🔹至尊蟹粉蝦仁鍋巴 ($188)🔸蟹粉栥飯糕 ($68)🔹老上海法式焦糖燉蛋 ($28)🔸薑汁鮮奶燉桃膠 ($48)🔴明軒小館 - 地址：上環皇后大道中287-299號地下1號舖 …查看更多

位於上環的明軒小館，是一間環境優雅的上海菜館主打蟹粉菜式，味道高質之餘，極具性價比餐館環境光鮮、空間闊落，店員服務專業用餐體驗舒適良好❤️🦀水晶蟹肉凍 $68水晶蟹肉凍造型有趣，口感冰涼開胃🤤以蟹醋作眼，味道清新微酸水晶內包覆著束束蟹肉蟹肉結構完整，滿滿蟹肉風味🦀🥟蟹粉小籠包🦀 $88蟹粉小籠包上菜時蒸汽騰騰，十分熱辣可以透視出內裡包裹的湯汁，皮薄餡靚😍蟹粉濃湯包覆著肉餡，暖心滋味附有自家制薑蓉醋，驅寒添鮮🥘至尊蟹粉正宗蝦仁鍋巴🦀 $188熱石鍋內裝滿香脆鍋巴，散發出米飯焦香蟹粉用料高質，蟹黃、蟹絲與蟹油的混合味道鮮味、口感綿密而帶顆粒感鍋巴外層沾滿蟹粉，味道香濃鮮甜、口感軟淋內裡則維持乾爽香脆，口感豐富有層次😋🍜蟹粉正宗河蝦仁手工拉麵🦀 $168金黃色的蟹粉鍋以燭光烘暖，感覺雅致鍋面泛起陣陣蟹粉與黃油，內裡飄浮絲絲蟹肉夾起一箸手工拉麵，在瓷鍋中沾上蟹粉煙韌的拉麵掛上蟹肉蟹黃，味道香酵濃厚，令人不禁一嚐再嚐❤️🍨薑汁鮮奶燉桃膠 $48整盅燉品溫熱上菜，桃膠晶瑩而豐滿燉奶口感軟綿嫩滑，奶香甚濃細味之下滲出陣陣薑味是一道精緻而優雅的中式甜品👍🏻🥛豆漿豆漿迎鮮冒泡，入口豆味香醇🥤酸梅湯酸梅湯入口鮮味，酸中帶點微甜，令人開胃總結而言，明軒小館的蟹粉餐點味道極佳搭配良好的服務與環境，使用餐成為了令人享受的體驗🥰…查看更多

以前成日出差上海，特別鍾意食江蘇省嘅大閘蟹🦀 聽香港嘅上海朋友講起，原來上環有一間師承中國大閘蟹知名品牌上海「名軒」的餐廳，享有極高嘅知名度及美譽‼️我當然即刻同個客嚟食🥰我哋每人點咗一個午市招牌套餐 $268🍲燉湯山珍湯：裏面有松茸、竹笙、羊肚菌、秀珍菇，非常養生滋潤！🥢點心可以三揀二：蟹粉小籠包、蟹粉粢飯糕、禿黃油蟹肉燒賣我最鍾意係蟹粉小籠包，真正嘅皮薄餡靚，每一啖都啜到湯汁🥰🦀主食呢個蟹粉真係必食！一碗就用上足足8隻蟹非常吸睛！蟹味鮮香濃郁，齒頰留香，太好味了😭餐廳用嘅大閘蟹均產自自然生態環境極佳嘅江蘇湖泊，有專人挑選，從原隻大閘蟹中拆肉、蟹黃、蟹膏等，至尊蟹粉撈麵：可選用日本麵粉製嘅手工拉闊面或萊茵衣藻麵值得提萊茵衣藻麵含有豐富嘅營養成份、多糖及膳食纖維，適合高膽固醇、高血糖和高血壓嘅人士食用OR至尊蟹粉伴飯：可選東北五常大米或菜飯🍡甜點寧波芝麻湯圓 — 非常正宗用上薑汁煮嘅湯圓，煙煙韌韌！…查看更多

上環呢間隱世小館，今次試咗佢哋嘅午市套餐同健康套餐，可以食到蟹粉全宴，性價比幾高。燉湯 - 山珍湯聞到陣陣菌香，湯底清澈味道濃郁鮮美，用咗唔少乾菌同瘦肉燉足時間，開胃之選。點心蟹粉小籠包：湯汁豐富，一啖咬落去爆出熱辣辣嘅蟹粉湯汁，皮薄餡多蟹味濃厚，一定要趁熱食。主食至尊蟹粉撈麵：麵條彈牙，蟹粉份量好足夠，每條麵都掛滿金黃色嘅蟹油，撈麵的麵條Q彈，搭配上鮮美的蟹粉，味道層次分明。健康套餐方面的開胃點心有水晶蟹肉凍，外層啫喱凍包着蟹腿肉，清新開胃。松茸素菜包內餡的松茸和各種新鮮素菜混合，咬落去會爆出菌汁。手剝蟹腿肉配蘆筍，蟹腿肉質鮮嫩，搭配清脆的蘆荀，口感層次豐富。主食萊茵衣藻麵用萊茵衣藻製成綠色麵條，麵條Q彈，簡單的調味已經足夠又可以食到萊茵衣藻的味道，清爽。健康套餐配上時令蔬菜，兩人分享都好足夠份量。甜點 - 寧波芝麻湯丸湯丸皮薄餡多，芝麻餡流心又香濃，薑湯底唔會太甜(健康套餐更可以少甜)，暖胃又滿足。整體來講，明軒小館的午市套餐抵食多款式，2人一齊食就可以試唔同的款式，絕對係蟹粉愛好者必試之選，服務態度好友善…查看更多

◎ 水晶蟹肉凍 ($68)水晶蟹肉凍一上枱，賣相已經好吸睛，蟹嘅造型好趣緻😍晶瑩剔透似果凍咁，入口冰涼爽滑，蟹肉嘅鮮甜好突出！仲用咗醋珠嚟做蟹嘅眼睛，好有創意✨酸酸甜甜好開胃，蟹肉份量足料，口感嫩滑，食落好清新，呢個前菜幾有驚喜🥰◎ 古法糟鉢斗 ($88)古法糟鉢斗係用花雕酒醃製食材，酒香濃郁但唔會嗆口，入口陣陣糟香帶點甜味～入面有醉雞腎、醉鴨舌、醉北寄貝，鴨舌仲要起晒骨，好細心🥰呢道冷盤好有上海傳統風味，鍾意酒香嘅朋友一定大愛😍◎ 至尊蟹粉蝦仁鍋巴 ($188)呢道菜係今晚嘅亮點😍鍋巴炸得金黃脆卜卜，成碟滿蟹粉同蝦仁倒落去，好正！蟹粉香濃得不得了，蝦仁爽彈多汁，兩者嘅鮮味好夾👍🏻蟹粉鹹度適中，滲入鍋巴後口感由脆變軟，層次好豐富🥰◎ 石鍋蟹粉豆腐 ($138)石鍋蟹粉豆腐熱辣辣上枱，石鍋吱吱聲見到都流口水🤤豆腐嫩滑，吸滿蟹粉嘅鮮味同醬汁，入口即化🥰蟹粉香濃，仲有少少蔥花同香料提味，簡單但好有層次～石鍋保溫效果好，食到最後都仲熱辣辣，鍾意嘅仲可以將啲鍋巴浸落去，食完真係大滿足😍◎ 蟹粉小籠包 ($88)蟹粉小籠包好精緻，皮薄到透光，湯汁滿滿，一咬落去蟹粉嘅鮮香同湯汁爆出🤩蟹肉同豬肉餡好平均，湯汁鮮甜濃郁，皮好夠彈性～雖然一籠四隻，但質素高值得一試！◎ 老上海法式焦糖燉蛋 ($28)呢個甜品嘅外型似足復活蛋咁好得意🤣上海風味嘅焦糖燉蛋，表面焦糖烤得金黃脆口，輕輕敲碎「卡」一聲好滿足！入面燉蛋滑溜，蛋香濃郁，甜度啱好，帶點淡淡嘅奶香同焦糖嘅苦甜，完美😍…查看更多

水晶蟹肉凍水晶蟹肉凍賣相精緻，作為前菜清爽開胃，陳醋啫喱做蟹仔眼睛，創意十足，入口冰涼，好適合夏天食至尊蟹粉伴飯至尊蟹粉伴飯用黑龍江五常大米，米粒晶瑩飽滿，蟹粉份量慷慨，雖然味道唔算濃郁，但$168嚟講佢性價比唔錯蟹粉粢飯糕粢飯糕係江南一帶的家常油炸早點之一，外層炸到金黃色脆卜卜，內層仍然保留到粢飯少少煙韌口感，幾有特色蟹粉小籠包小籠包上枱熱辣辣，粒粒飽滿，充滿湯汁。點小籠包嘅醋亦好有心思，係特別委託鎮江一家手工醋廠釀醋，再將陳醋配搭自雲南所製嘅薑末，用自家比例造出秘製蟹醋，令小籠包更鮮味…查看更多

🦀又到食大閘蟹嘅季節，鍾意食蟹但又怕麻煩既我，尼間餐廳就岩哂，餐廳係一間上海菜小店，主打蟹粉既菜式🔸水晶蟹肉凍蟹既造型，眼睛用左醋黎整，入口冰涼爽口彈牙，作為前菜唔錯既選擇🔸 至尊蟹粉正宗蝦仁鍋巴鍋巴炸得好香脆，店員會幫忙淋上蟹粉蝦仁，石鍋發炸炸聲超治癒😆每塊鍋巴都沾滿蟹粉，蝦仁爽彈，蟹粉香濃🔸至尊蟹粉撈麵麵係即時手工拉，選用左日本麵粉，麵質煙韌，手工拉闊麵，麵條本身有微微調味，每條麵條都掛滿蟹粉，超滿足😍🔸蟹粉小籠包入面包滿湯汁，肉汁鮮甜唔油膩，略嫌外皮厚左少少🤏🏻🔸蟹粉生煎包每日限量99隻‼️湯汁來自蟹粉、豬肉同皮凍，包底煎到焦黄香脆，入面充滿肉汁，外脆內軟…查看更多

食蟹粉類型食品嘅好去處。最大閘蟹叫做有gimmick，佢個酒比較甜身亦都唔會太辣。但係個人比較喜歡純粹蒸大閘蟹多啲，可以食得出蟹肉嘅鮮味同埋蟹膏嘅甘香。叫咗個四人餐，包咗有蟹粉鍋巴、墨魚紅燒肉、翡翠炒蟹腿肉、白灼生菜、同竹笙羊肚菌湯。另外叫多咗個糟溜海鮮壺、蟹粉豆腐煲、蟹粉小籠包。唔夠後加多咗個炸糯米糕同清炒河蝦螺旋藻麪。竹笙羊肚菌湯好清，個人嚟講覺得唔係好夠味。墨魚紅燒肉味道啱啱好。就係紅燒肉嘅味道。白灼生菜當你以為佢好求其，佢係真係玻璃生菜嚟。糟溜海鮮壺唔係唔好食，但係好一般。麻煩在佢有好多毛豆喺裏面畀啲酒浸住，個個就要伸嘅筷子落去夾。話就話有公筷啫，咁樣夾嚟夾佢都幾麻煩。蟹粉豆腐煲，唔用嚟撈飯或者用嚟撈麵都冇乜嘢好介紹。蟹粉小籠包，冇乜嘢好講不過不失。清炒河蝦仁螺旋藻麪。啲麪係即叫即拉即烚，幾彈牙嘅。同埋好香螺旋藻味。河蝦仁正常發揮。比較有趣係佢嗰個炸糯米糕，就咁食會有啲口寡，加埋個蟹粉豆腐煲食就唔同曬。佢個炸糯米糕外脆內軟。菜式可以話唔係唔好食，但又未係好食到曉飛，只係佢嘅味道太ordinary，望到個樣係估得到咩味。服務方面，舖頭嘅店員都唔係啲小朋友，服務方面佢哋都幾週到。男士們都比較冇咁細心但係都好願意幫助客人。收拾又收得勤。如果你話要嚟試下嘅個醉蟹都值得試一次。不過個人覺得清蒸大閘蟹會比較食到蟹嘅鮮味多啲。如果係選擇食蟹粉相關嘅菜式嘅話呢間都係一個唔錯嘅選擇。…查看更多

Tried the seasonal Drunken Hairy Crab Set for Two at Dawn & Moonlit after 5:30 PM. The two whole Drunken Hairy Crabs (4 taels each) were impeccably prepared, with sweet, firm meat and rich, glossy roe elevated by a classic Shaoxing wine marinade that brought out authentic Jiangsu-style depth.The meal opened with a clear, nourishing Chinese soup, followed by the signature steamed crab roe dumplings—delicate wrappers bursting with fresh, intense crab roe and pure umami, true to traditional flavors.Mains featured stir-fried river shrimp, crisp and succulent with clean wok aroma, and braised pork belly with octopus in a deep, savory brown sauce—both tender and perfectly balanced. The set finished with warm sesame glutinous rice dumplings in ginger tea, chewy and fragrant with a gentle spicy warmth.Every dish delivered authentic Jiangsu character, instantly transporting me back to Suzhou. A refined, shareable celebration of hairy crab season in Sheung Wan. #DawnMoonlit #HairyCrab #JiangsuFlavors…查看更多

Chef Ecy’s Dining Experience:🥰 Food | Ambience | Service | Easy Parking | Wheelchair Friendly | Easy Access🙂 Restroom Cleanliness | Price😠 Pet Friendly | Corkage Fee | Cake Cutting FeeBorn from a renowned Shanghai dining brand with over 20 years of expertise, this restaurant specializes in high-value crab roe dishes. Its Hong Kong operations are personally overseen by an award-winning head chef.The restaurant is committed to four principles: an elegant environment, premium ingredients, high-quality cuisine, and exceptional service. Conveniently located at street level in Sheung Wan, it is wheelchair accessible. For those driving, metered parking is available directly opposite. The nearest MTR is Sheung Wan Station, just a 4-minute walk from Exit A2.The venue is bright, clean, and cozy. The menu is thoughtfully curated, not overwhelming, with three set lunches starting from HK$198 and an afternoon tea set for HK$98. We opted for the entry-level set.Each set is served bento-style on a tray, featuring dim sum, a main course, and your choice of rice or noodles - only the soup and dessert are served separately. The soup was a standout: served piping hot in a beautiful bowl, it was clear, flavorful, and packed with exquisite mushrooms like morels.The dim sum, including a crab roe dumpling and a crab roe sticky rice dumpling, was beautifully presented and delicious. For the main course, you can choose between a pork cutlet or stir-fried cuttlefish and shrimp. The cuttlefish was tasty, and the pork cutlet was impressively large, thick, yet remained tender and crispy - so much so that we had to take half of it home. The accompanying handmade noodles were fresh and perfectly cooked, and the rice with greens was light and not oily.Dessert was a sesame dumpling in ginger tea. The dumplings were small but packed with an intense, well-balanced sesame flavor - a perfect end to the meal.Note that the restaurant charges corkage and cake-cutting fees. While a restroom is available, it was under repair during our visit. Overall, this cozy restaurant delivers upscale, decent food in a welcoming atmosphere. They also offer an à la carte menu, featuring items like Shanghainese hairy crabs, which we paired with their award-winning chilled rice wine - a delightful first-time experience that complemented the crab perfectly. We will definitely be back to try more dishes.…查看更多

依家天氣涼涼哋，係時候要食蟹啦！😋😋知道媽媽鍾意食，所以帶媽媽嚟上環食蟹黃麵！😍午市時令套餐 $268山珍湯，好香菇菌味，味道清淡得嚟入口濃郁！👍🏻👍🏻蟹粉小籠包 & 禿黃油糯米燒賣蟹粉小籠包好大隻，入面充滿蟹粉，一口一啖😋😋糯米燒賣Q軟，煙煙韌韌口感一流！👍🏻至尊蟹粉撈麵我揀咗萊茵衣藻麵，麵質硬度適中，將所有蟹黃倒入面中撈勻🤤🤤都係蟹黃蟹膏！真係超正！😍😍一大滿足！湯圓，加入薑去煮，可以驅寒，完美❤️…查看更多

今日同朋友去了這間餐館食午餐， lunch只有三個set lunch冇得可以單點，最平都要$198一個人，我都冇所謂，最令我失望的是吃完午餐想去洗手間，佢話佢依間餐館冇洗手間，叫我去對面公廁或者係去麥當勞，我唔明白一間餐館怎樣可以沒有洗手間呢？蟹粉小籠包可以，但係佢個魷魚蝦仁毛豆就真係一般，尤其是個蝦仁是蝦毛，而魷魚仔係急凍貨色！真係有少少失望，應該唔會再去，對於沒有洗手間這件事，我真是不能接受！以一間這樣裝潢的餐館！…查看更多

山珍湯湯色清澈鮮美，食材豐富，羊肚菌氣味清香，很滋補。蟹粉小籠包薄薄外皮有光澤，包裹著豐富蟹粉與湯汁，咬下去時，皮薄得幾乎可以透出內餡，蟹肉鮮甜，湯汁爆發，很高質。禿黃油糯米燒賣外觀金黃，糯米口感香軟與禿黃油濃厚交融，口感層次分明，既有嚼勁又不失柔軟。至尊蟹粉撈麵面條很彈牙，淋上厚厚蟹粉醬，色澤誘人，每條麵條都吸附著蟹粉精華，鮮甜又惹味。至尊蟹粉撈菜飯米飯粒粒分明，每啖都吸收了蟹粉鮮美。寧波芝麻湯丸紅糖薑茶湯底飲完很溫暖，口感滑順，為整場盛宴劃上了完美句號。…查看更多

如果大家中意食蟹，建議直接叫午巿套餐，一下子可以試到3款蟹粉菜式！❤️午市招牌套餐🔅山珍湯🔅蟹粉小籠包🔅蟹粉粢飯糕🔅至尊蟹粉拌飯🔅寧波湯圓完全係為咗食蟹先叫呢個餐！蟹粉小籠包勁多汁；蟹粉粢飯糕好創新、香口又好味；最後個蟹粉拌飯係精華，蟹粉份量多到唔會驚唔夠。如果想食健康啲，仲有另一個選擇。🔅山珍湯🔅水晶蟹肉凍🔅松茸素菜包🔅手剝蟹腿肉配蘆筍+麵🔅時令鮮蔬🔅低糖寧波湯圓一樣有蟹，不過係蟹肉，冇蟹膏，但都一樣好食！個手剝蟹腿肉既份量仲多過蘆筍，一啲都唔失色。講真，如果你有選擇困難症，直接叫午市套餐最方便，好過散叫，又可以試到唔同蟹粉類嘅嘢。…查看更多

之前每次想食蟹粉麵都要北上，最近發現上環開咗間上海菜，一年365日都有蟹粉美食供應，所以早兩日帶左媽咪去嘆番個全蟹粉宴😆媽咪食得勁開心，重話以後幾時癮起黎食都好方便🥳🦀蟹粉小籠包🦀原個蒸籠上菜，一打開蒸汽騰騰，睇到都留口水🤤小籠包皮好薄，可以隱約見到內裡包裹嘅餡料同滿滿湯汁，要趁熱食同時都要小心爆汁😆外皮咬落有彈性，肉餡鮮甜，湯汁濃郁，正！🦀石鍋蟹粉豆腐 🦀石鍋上菜時熱辣辣，嫩白嘅豆腐浸係沸騰嘅蟹粉汁入面，好吸引🤩豆腐又嫩又滑，吸收哂蟹粉嘅鮮味同油香，如果用黎撈飯應該可以食到兩碗😆😆🦀至尊蟹粉撈麵🦀手工拉闊麵係用日本麵粉造，睇到師傅係開放式廚房即席拉麵條，唔怪得咁彈牙！蟹粉份量都非常足夠，食到最後一條麵都係掛滿金黃色嘅蟹粉，真心滿足😌🦀至尊蟹粉正宗蝦仁鍋巴🦀媽咪話呢道菜係今晚嘅MPV🤭鍋巴炸得金黃香脆，店員係我哋面前將成碟蟹粉同蝦仁倒入石鍋，即時發出炸炸聲，香噴噴又好有儀式感！呢個蟹粉汁比豆腐鍋更濃稠，被包裹住嘅鍋巴依然有香脆口感，蝦仁又粒粒Q彈，層次好豐富🥰…查看更多