影片
更多
2023-09-03
33 瀏覽
好友最近從外國返港，勁掛住日本菜嘅佢，今晚就帶佢黎到上環嘅「鮨燐」，食返餐高質Omakase聚下先🤭餐廳提供3款dinner sets，我同朋友就揀咗食最貴果個set ($1880/人，另加一)，包前菜、7款刺身、2款和食、6種壽司、湯同甜品😁 餐廳環境雖小，但全場坐滿客人，可見餐廳人氣之高👍 想食嘅話就記住訂枱呀~前菜- 日本黃栗米: 粟米粒粒飽滿，而且皮薄，口感清甜爽脆- 花竹蝦、秋葵配柚子麵豉醬: 花竹蝦幾彈牙，食落濃香得黎帶點柚子清香，味道層次豐富- 蕃茄配沖繩水雲: 蕃茄幾鮮甜，水雲黏滑，加入醋酸酸甜甜，好開胃7款刺身- 深海池魚: 肉質鮮嫩細緻，油脂豐腴，入口甘香鮮甜。可以點酸汁或者豉油加wasabi食，能提升魚肉嘅鮮味- 北海道紫針海膽: 原隻新鮮上😍 味道清雅鮮甜、入口即化，令人再三回味好想encore呀！- 沙甸魚: 師傅用紫菜將沙甸魚、黃蘿蔔、紫蘇葉及芽蔥卷起來，整成色彩繽紛嘅沙甸魚卷😋 魚肉鮮美爽甜，食落唔覺得太油膩，反而仲豐富咗口感- 北海道昆布森生蠔: 生蠔肥美飽滿，一啖入口滑溜，配土佐醋啫喱，令生蠔嘅味道更濃厚鮮甜，叫人食指大動- 銀鱈魚: 第一次食刺身級別
餐廳提供3款dinner sets，我同朋友就揀咗食最貴果個set ($1880/人，另加一)，包前菜、7款刺身、2款和食、6種壽司、湯同甜品😁 餐廳環境雖小，但全場坐滿客人，可見餐廳人氣之高👍 想食嘅話就記住訂枱呀~
前菜- 日本黃栗米: 粟米粒粒飽滿，而且皮薄，口感清甜爽脆
- 花竹蝦、秋葵配柚子麵豉醬: 花竹蝦幾彈牙，食落濃香得黎帶點柚子清香，味道層次豐富
- 蕃茄配沖繩水雲: 蕃茄幾鮮甜，水雲黏滑，加入醋酸酸甜甜，好開胃
7款刺身- 深海池魚: 肉質鮮嫩細緻，油脂豐腴，入口甘香鮮甜。可以點酸汁或者豉油加wasabi食，能提升魚肉嘅鮮味
- 北海道紫針海膽: 原隻新鮮上😍 味道清雅鮮甜、入口即化，令人再三回味好想encore呀！
- 沙甸魚: 師傅用紫菜將沙甸魚、黃蘿蔔、紫蘇葉及芽蔥卷起來，整成色彩繽紛嘅沙甸魚卷😋 魚肉鮮美爽甜，食落唔覺得太油膩，反而仲豐富咗口感
- 北海道昆布森生蠔: 生蠔肥美飽滿，一啖入口滑溜，配土佐醋啫喱，令生蠔嘅味道更濃厚鮮甜，叫人食指大動
- 銀鱈魚: 第一次食刺身級別嘅銀鱈魚，口感有別於平時。魚肉肉質雪白肥美，油香豐盈，配上食用菊花、紫蘇花及麵鼓醋同食，除可中和油膩感，又可提升銀鱈魚嘅鮮味
- 中拖羅: 魚味濃郁，並以竹炭鹽取代鼓油，夾住紫蘇葉一齊食來增添鮮味，加倍美味
- 炙燒吞拿魚鮫: 經炙燒過嘅吞拿魚鮫油份十足，魚味特別濃郁，入口即化，甘香油潤
- 北海道毛蟹: 面層嘅蟹腳肉肉質細緻，味道濃郁，鮮甜無比！底層則係蟹身混和了蟹膏，蟹香味更為突出
大蜆清湯食壽司前先上咗碗大蜆清湯~ 配料有大大隻蜆、昆布、舞茸菇等，味道好鮮甜🤤 飲完湯清一清味蕾、抖一抖再食壽司，呢個安排幾好💯
6種壽司- 沙鮻魚: 肉質細緻，添加薑蓉令魚味更有層次
- 石桓貝: 師傅即時拍打令肉質更厚實，口感爽脆甘甜
- 鰤魚: 油脂豐腴，口感細嫩、鮮味十足
- 縞蝦: 蝦肉清爽富彈性。師傅將蝦膏燒香，再加入壽司飯裡，滿口都係縞蝦嘅濃郁鮮味
- 馬糞海膽: 唔洗多講，滿滿嘅海膽，入口creamy甘甜，勁滿足！
- 鯖魚: 第一次食刺身級嘅鯖魚，估唔到有驚喜🙈 魚肉肉質結實，魚味濃郁。師傅喺面層上放咗紫蘇葉、芝麻同白昆布，又幾夾幾好味喎，油香而不膩
食完壽司後再上和食 - 天婦羅共4件，有門鱔、茄子、青椒及蕃薯，都係來自日本不同嘅地區。天婦羅炸得好出色，油溫控制得幾好，咬落香脆而唔油膩。點少少由師傅自家調嘅咖哩鹽更添風味，令人一試愛上😍
麵豉湯最後來碗濃厚、熱辣辣嘅麵豉湯暖下胃、解下膩就最適合不過
宇治抹茶奶凍奶凍質地香滑細膩，奶香十足。值得一讚係個抹茶醬，香濃得黎唔苦澀👍 配埋粒軟糯黑豆作了個甜美的終結
今晚呢餐我同朋友相當滿意，食物質素水準高，而且味道不俗，值得再訪😆
張貼
