The Wall Street Bar & Lounge

營業中

休息中

宜家越嚟越多酒吧餐廳做埋午市，而且質素就好高添。今次嚟到尖沙咀呢間酒吧餐廳，裝修古典高貴，樓底又夠高，落地玻璃坐得好舒服。有一個好靚嘅酒吧枱之外，仲有一個好似書房咁嘅角落，原來個書架喺度喑門裏面就有個貴賓房，夜晚嚟飲嘢，呢間房就夠晒私隱度。午餐最平兩位數就有交易，不過今次係食佢哋嘅招牌All Day Breakfast。除咗有牛油果、炒蛋、德國香腸、沙律之外，仲有慢煮燒牛肉。牛肉經過慢煮在燒香，裏面嫩滑多汁，入口即化。淨係食呢塊牛扒已經值回票價。午餐仲會包餐湯同埋飲品。一定要加$38升級佢呢個法式龍蝦湯，真係非常之好味，濃郁之餘，佢仲會加入少少蟹肉，非常足料。午餐就唔飲酒啦，可以揀飲咖啡，佢啲咖啡都唔算太差。