影片
更多
2022-05-26
121 瀏覽
一諗起想食韓燒，位於旺角T.O.P. 5樓嘅柞木炭家必定首選，地點相當就腳方便，最重要係柞木地方乾淨，抽風抽氣系統非常好👍🏻。坐落店員好快就送上幾款韓式前菜，泡菜、酸蘿蔔我最鍾意，味道咸酸適中，唔會太搶喉；仲有大豆芽、小棠菜同醃製過嘅魷魚🦑，各款都可以refill👍🏻。太耐冇食韓燒啦，翻開餐牌，樣樣都想點😋，最後點左壅漬牛肋骨、濟洲活鰻魚、雞拼盤、牛舌，朋友係飯桶，於是就再order左生牛石鍋飯🤭🤭。好快各款食材陸續上枱，嘩，份量比想像中多🫣，今晚一定可以滿足我地食肉嘅渴求😊。🥢牛舌三吃，4片薄切、兩件厚切、仲有4件鋪滿蒜溶蔥花；薄切口感最好，入口輕輕咀嚼幾下機乎已經溶化；厚切就有咬口，牛味亦相對較豐富；蔥花牛舌多左一層蔥花蒜香。🥢牛肋骨係我最期待嘅，燒至外層些小焦香，中間仲係5成熟嘅狀態，入口就最正，油花係口腔四淺，𡁻幾下都機乎溶化，用生菜🥬包裹一齊食，減去油膩感覺，可以食多幾件🤭。🥢雞拼盤 - 雞件分別唔同部位，有雞柳、雞髀肉同去骨雞翼部分，好嫩滑，就算雞柳都唔會鞋，醃料調味都值得讚👍🏻。🥢鰻魚😋😋，好厚好大件，成塊燒，燒至魚皮有些小微焦，再加上醬油汁，燒至魚皮金黃香脆；入口滿滿油
坐落店員好快就送上幾款韓式前菜，泡菜、酸蘿蔔我最鍾意，味道咸酸適中，唔會太搶喉；仲有大豆芽、小棠菜同醃製過嘅魷魚🦑，各款都可以refill👍🏻。
太耐冇食韓燒啦，翻開餐牌，樣樣都想點😋，最後點左壅漬牛肋骨、濟洲活鰻魚、雞拼盤、牛舌，朋友係飯桶，於是就再order左生牛石鍋飯🤭🤭。
好快各款食材陸續上枱，嘩，份量比想像中多🫣，今晚一定可以滿足我地食肉嘅渴求😊。
🥢牛舌三吃，4片薄切、兩件厚切、仲有4件鋪滿蒜溶蔥花；薄切口感最好，入口輕輕咀嚼幾下機乎已經溶化；厚切就有咬口，牛味亦相對較豐富；蔥花牛舌多左一層蔥花蒜香。
🥢牛肋骨係我最期待嘅，燒至外層些小焦香，中間仲係5成熟嘅狀態，入口就最正，油花係口腔四淺，𡁻幾下都機乎溶化，用生菜🥬包裹一齊食，減去油膩感覺，可以食多幾件🤭。
🥢雞拼盤 - 雞件分別唔同部位，有雞柳、雞髀肉同去骨雞翼部分，好嫩滑，就算雞柳都唔會鞋，醃料調味都值得讚👍🏻。
🥢鰻魚😋😋，好厚好大件，成塊燒，燒至魚皮有些小微焦，再加上醬油汁，燒至魚皮金黃香脆；入口滿滿油花，肉質厚實彈滑，呢個值得推介，係encore必選👍🏻。
🥢生牛肉石鍋飯，將生牛肉，蛋黃，蔥花一拼與白飯拌勻，入口味道豐富，飯底粒粒圓潤鬆軟，拌勻後稍等一陣，鍋嘅熱度使鍋邊同鍋底嘅飯開始微微起蕉，更加香口。
張貼
