影片
更多
2022-05-26
946 瀏覽
✦ 龍蝦鐵板燒 二人前• 沙律 - 秋葵沙律配Wasabi汁好清新同開胃，秋葵又健康，呢個沙律正！• 前菜 - 龍蝦福袋好！食！佢個汁調味係剛剛好，煮到個蘿蔔入晒味，然後個福袋係超飽滿，入面係滿滿嘅龍蝦肉同好似有d蟹肉。• 汁煮白鱈魚淨係個魚皮已經超讚(〃ω〃)好脆卜卜好味呀！然後個魚質係超滑溜，加埋個汁一齊食岩岩好。• 龍蝦配海膽汁100分！本身食材新鮮已經贏大半，然後師傅整得剛剛好，啖啖肉好彈牙，本身諗海膽汁會唔會搶左龍蝦嘅味呢？完全無搶到，感覺係畫龍點睛，提升晒個鮮味，好鬼正！• 季節料理 - 蒜蓉炒日本天白花菇好入味好淋，同埋d炸蒜一齊食好正，又香又脆。• 熊本縣產 A5 和王牛油脂分布平均，食落都唔會話好油膩，牛味重，特別鍾意佢個車厘子紅酒汁，微微酸咁一齊食都幾夾，好味！• 炒飯粒粒分明，顏色均勻呈金黃色，仲配埋一兜仔醃蘿蔔同酸菜，完美！• 雞湯好想重點讚呢個湯，可能大家都會留意左龍蝦同和牛先，但我想講佢呢個湯真係好好飲！佢係好清甜嘅雞湯，一d油膩感都無，然後入面仲有大量菇同彈牙嘅海蝦，飲完之後食埋真係超滿足(*´∇｀*)• 甜品我地揀左綠茶雪糕同蜜瓜，雪糕跟埋脆米一齊，唔太
✦ 龍蝦鐵板燒 二人前
• 沙律 - 秋葵沙律配Wasabi汁好清新同開胃，秋葵又健康，呢個沙律正！
• 前菜 - 龍蝦福袋好！食！佢個汁調味係剛剛好，煮到個蘿蔔入晒味，然後個福袋係超飽滿，入面係滿滿嘅龍蝦肉同好似有d蟹肉。
• 汁煮白鱈魚淨係個魚皮已經超讚(〃ω〃)好脆卜卜好味呀！然後個魚質係超滑溜，加埋個汁一齊食岩岩好。
• 龍蝦配海膽汁100分！本身食材新鮮已經贏大半，然後師傅整得剛剛好，啖啖肉好彈牙，本身諗海膽汁會唔會搶左龍蝦嘅味呢？完全無搶到，感覺係畫龍點睛，提升晒個鮮味，好鬼正！
• 季節料理 - 蒜蓉炒日本天白花菇好入味好淋，同埋d炸蒜一齊食好正，又香又脆。
• 熊本縣產 A5 和王牛油脂分布平均，食落都唔會話好油膩，牛味重，特別鍾意佢個車厘子紅酒汁，微微酸咁一齊食都幾夾，好味！
• 炒飯粒粒分明，顏色均勻呈金黃色，仲配埋一兜仔醃蘿蔔同酸菜，完美！
• 雞湯好想重點讚呢個湯，可能大家都會留意左龍蝦同和牛先，但我想講佢呢個湯真係好好飲！佢係好清甜嘅雞湯，一d油膩感都無，然後入面仲有大量菇同彈牙嘅海蝦，飲完之後食埋真係超滿足(*´∇｀*)
• 甜品我地揀左綠茶雪糕同蜜瓜，雪糕跟埋脆米一齊，唔太甜，入口幾滑，蜜瓜清甜多汁，不過唔認得左邊到日本產地。
呢到服務好好，食物質素高，價錢都好公道，無論拍拖慶祝定一班朋友黎食都適合，因為我見佢仲有間靚靚VIP房。
張貼
