三日月

營業中

休息中

朋友話三日月鐵板燒質素高，強烈推薦，於是星期六午餐過嚟試咗兩款lunch set，有特價，幾抵食。茶碗蒸好有驚喜，加咗鏗魚高湯同埋魚子，味道鮮甜，蒸蛋超級滑，加上木耳絲，好好食。龍蝦好彈牙，將精華蝦膏拎咗出嚟做醬汁，味道香濃但唔會咸，忍唔住連醬汁都𢳂晒嚟食。白鱈魚伴蜆汁，面頭係法式雜菜，蜆汁醇滑，醬汁創新得嚟味道又balance得好，睇得出好有心機整，係花咗工夫。另外仲有巨型虎蝦，同樣係拎咗蝦膏，醬汁比龍蝦更香，居然連蝦鬚都食得，煎到香脆。牛肉分別係A4鹿兒島和牛同美國Prime肉眼，牛肉包咗雜菜，生熟度控制得好，牛味香濃，配上雜菜中和油膩。龍蝦頭仲攞埋去煲湯，麵䜴湯底之上加埋龍蝦嘅鮮味。炒飯用咗日本酸梅醬﹑櫻花蝦同白飯魚，另外配咗鏗魚湯做茶漬飯，一飯兩食。炒飯粒粒分明有光澤。另外仲有抺茶紅豆糯米滋，今餐食得超滿足。我覺得三日月最正嘅位係，佢諗到唔同嘅醬汁配搭新鮮嘅食材，令味道好有層次同驚喜。當日坐咗bar枱位睇住師傅料理，餐廳都有幾張大枱同大房，啱朋友聚會。員工好有禮貌同盡責，有簡介菜式同食法。