鮨一 (厚福街)

營業中

休息中

之前黎過一次，覺得刺身厚切而且超新鮮😍今次二訪，特意book左窗邊吧枱位置，睇住師傅整野食，更有風味。🥗鮨一沙律沙律菜新鮮，刺身粒粒都幾豐富，最驚訝係個番茄，超級爽甜，好好食😍🦐大蝦天婦羅反卷好有特色，炸大蝦爽口彈牙，最特別係反卷都沾上炸粉炸到脆身，雙重脆感😆🐟蘭刺身丼賣相超吸引！面頭的刺身配料超豪華😍多到滿瀉！最上層有金萡點綴，升價百倍😆接住有海膽，左口魚邊，呑拿魚腩蓉同三文魚粒粒，杯邊仲鋪滿三文魚子，粒粒飽滿，鮮甜無比🤤最下層的壽司飯加左赤醋，令米飯更香更好食。🐟梅刺身丼滿滿的松葉蟹好鮮甜😋仲有蟹子，甜蝦，牧丹蝦粒粒同呑拿魚腩蓉，大滿足！🦪辣酒煮廣島蠔有六隻廣島蠔，隻隻肥美飽滿🤤煮到剛剛熟，好鮮嫩。🍗明太子雞翼又係心機菜，雞全翼切開兩邊，釀入明太子再煎到香脆，口感豐富！🌟🌟總括嚟講，同朋友/情人黎靜靜地食個晚餐係一個好好的選擇，如果坐吧枱位置就更有味道。