影片
更多
2023-06-05
19 瀏覽
The Big Bite Flame Grill夜晚食飯，最怕就係四圍都好多人，已經返咗一日工，真係想揾個地方靜靜地同個friend傾下計食下飯。😊😊❤️❤️ 行過石塘嘴街市附近，有間細細地既餐廳仔，我同個同事好好奇咁入咗去。由於只係六點鐘鬆啲，只有一兩枱客人係到飲酒吹水，幾chill幾舒服。 餐廳行少少工業風，一邊係白色木妝，另一邊係水泥牆，牆身有啲動物頭既裝飾，加埋柔香既燈光，好有外國feel。🥰🥰Crispy Bacon and Cheese Burger人生路不熟，未食過梗係問下有咩推介啦，咁佢就介紹咗呢個burger比我地試。漢堡包係有少少意大利包既感覺，乾身而且煙韌。漢堡扒煎得外皮香脆，入面濕潤多汁，香口得黎油脂亦都好豐富。煙肉金黃香脆，配埋芝士，生菜，紫洋蔥同酸瓜等等既配料，中香油膩感，減輕食junk good既罪惡感。🤪🤪Vietnamese Pho 估唔到一間主打加拿大菜既餐廳會有越南粉食。湯頭冇一般pho咁濃同咸，主要係清甜為主，食耐咗都晤會覺得好口乾。配埋和牛片同洋蔥，茜荽，芽菜同香葉，都幾好食。☺️☺️Deep fried mushroom with truffle m
夜晚食飯，最怕就係四圍都好多人，已經返咗一日工，真係想揾個地方靜靜地同個friend傾下計食下飯。😊😊❤️❤️
行過石塘嘴街市附近，有間細細地既餐廳仔，我同個同事好好奇咁入咗去。由於只係六點鐘鬆啲，只有一兩枱客人係到飲酒吹水，幾chill幾舒服。 餐廳行少少工業風，一邊係白色木妝，另一邊係水泥牆，牆身有啲動物頭既裝飾，加埋柔香既燈光，好有外國feel。🥰🥰
Crispy Bacon and Cheese Burger
人生路不熟，未食過梗係問下有咩推介啦，咁佢就介紹咗呢個burger比我地試。漢堡包係有少少意大利包既感覺，乾身而且煙韌。漢堡扒煎得外皮香脆，入面濕潤多汁，香口得黎油脂亦都好豐富。煙肉金黃香脆，配埋芝士，生菜，紫洋蔥同酸瓜等等既配料，中香油膩感，減輕食junk good既罪惡感。🤪🤪
Vietnamese Pho
估唔到一間主打加拿大菜既餐廳會有越南粉食。湯頭冇一般pho咁濃同咸，主要係清甜為主，食耐咗都晤會覺得好口乾。配埋和牛片同洋蔥，茜荽，芽菜同香葉，都幾好食。☺️☺️
Deep fried mushroom with truffle mayo
之後我地叫咗個小食，脆炸蘑菇仔。外表非常似炸尤魚仔，粉漿薄薄咁包住個蘑菇，點埋個黑松露醬，幾好味。👍👍😍😍
最後我地飲多兩杯milkshake，分別係Oreo crunch 同朱古力味，非常足料，加埋香滑既cream，creamy得黎又唔會太甜！😜😜
張貼
