Chueca

營業中

休息中

放假去中西區行街，咁啱行過歌賦街見到有間藍色外牆嘅餐廳幾吸引，就入去試下。餐廳主打西班牙菜，食物高質，環境闊落，坐得幾舒服。餐廳裝修充滿異國情調，高貴典雅，牆身都用藍白色作主調，喺一堆舊建築入面顯得特別搶眼，好遠已經望到。今次叫咗佢個brunch，頭盤係海鮮拼盤。拼盤嘅擺法精緻，食材新鮮又豐富，最驚艷嘅係美國波士頓龍蝦，啖啖肉之餘仲勁多蟹膏。主餐叫咗紅蝦意大利飯，意大利飯鮮甜美味，意大利米柔軟而煙韌，食落好有咬感，龍蝦汁都好足夠。而佢採用嘅紅蝦原產地都係來自於西班牙，完全可以食到真正西班牙風味餐。最後甜品揀咗芝士蛋糕。呢度嘅芝士蛋糕口感好特別，用紅苺醬放頂，同平時食開嘅好唔一樣，不過醬汁略甜，蓋過原本嘅芝士味。