影片
更多
2025-04-26
10 瀏覽
高質素壽司通常坐落於中環、尖沙咀呢啲商業區。荃灣竟然有走高檔路線嘅壽司舖，即刻試試～新開張有優惠，大滿足壽司定食盛惠$598，除咗11罐壽司同埋魚生飯之外仲有茶碗蒸、沙律、麵豉湯，好豐富！茶碗蒸大大碗，蒸得啱啱好，滑嘟嘟！加咗絲絲蟹肉同埋三文魚子特別甜。沙律菜新鮮清甜，簡簡單單作為前菜好開胃。第一碟壽司：先嚐較清淡嘅白身魚打開序章，金木鯛同埋深海池魚質感都夠緊實。以青檸汁調味嘅赤貝鮮美又爽口。中拖羅同埋大拖羅都好肥美，仲有甜甜地嘅洋蔥醬作點綴。第二碟壽司：巨型牡丹蝦肉厚肥美。蝦膏燒香製成軍艦，一物兩用，加埋少少海膽更甘甜。第三碟壽司：幾款火炙壽司香氣四溢。初嚐魷魚軍艦竟然無腥味。燒過嘅左口魚同埋三文魚腩油香超正。松葉蟹腳啖啖肉。炸軟殼蟹 $88金黃酥脆，唔會太油，如果大隻啲就好啦！汁燒銀鱈魚 $188肉質細嫩軟滑，入口即溶好正。以西京燒形式烹調，盡顯油香。海膽三文魚子碎拖羅飯 大大碗，唔食壽司就咁食呢個都飽晒！三款魚生都好新鮮，份量超多實在大滿足。食完凍冰冰嘅壽司，以一碗熱辣辣又唔會過鹹嘅麵豉湯作結尾特別滿足。白桃梳打 $48味道清新，唔會過甜，唔飲酒又想點飲品配燒物一流！荃灣區家庭客
新開張有優惠，大滿足壽司定食盛惠$598，除咗11罐壽司同埋魚生飯之外仲有茶碗蒸、沙律、麵豉湯，好豐富！
茶碗蒸大大碗，蒸得啱啱好，滑嘟嘟！加咗絲絲蟹肉同埋三文魚子特別甜。
沙律菜新鮮清甜，簡簡單單作為前菜好開胃。
第一碟壽司：先嚐較清淡嘅白身魚打開序章，金木鯛同埋深海池魚質感都夠緊實。以青檸汁調味嘅赤貝鮮美又爽口。中拖羅同埋大拖羅都好肥美，仲有甜甜地嘅洋蔥醬作點綴。
第二碟壽司：巨型牡丹蝦肉厚肥美。蝦膏燒香製成軍艦，一物兩用，加埋少少海膽更甘甜。
第三碟壽司：幾款火炙壽司香氣四溢。初嚐魷魚軍艦竟然無腥味。燒過嘅左口魚同埋三文魚腩油香超正。松葉蟹腳啖啖肉。
炸軟殼蟹 $88
金黃酥脆，唔會太油，如果大隻啲就好啦！
汁燒銀鱈魚 $188
肉質細嫩軟滑，入口即溶好正。以西京燒形式烹調，盡顯油香。
海膽三文魚子碎拖羅飯
大大碗，唔食壽司就咁食呢個都飽晒！三款魚生都好新鮮，份量超多實在大滿足。
食完凍冰冰嘅壽司，以一碗熱辣辣又唔會過鹹嘅麵豉湯作結尾特別滿足。
白桃梳打 $48
味道清新，唔會過甜，唔飲酒又想點飲品配燒物一流！
荃灣區家庭客為主，壽司唔係好似平時omakase咁逐件上菜，帶埋心急嘅小朋友去都合適！
張貼
