影片
更多
2022-11-10
28 瀏覽
上次嚟呢間餐廳係食晚餐，記憶中味道同環境都好好，今次二訪試吓午餐，午餐性價比更高，$398一位，食物依舊高質，下午嚟成個銅鑼灣避風塘景色都一覽無遺，大部份都係吧枱，可以望住大廚處理食材，一開始會俾啲食材你望吓然後先開始烹調~🔘前菜 鮟鱇魚肝有<海中鵝肝>嘅美譽，入口即化，配搭明太子，味道更加提升!!🔘季節刺身 (象拔蚌、池魚)擺盤好靚有紅葉點綴，象拔蚌口感爽脆鮮甜，池魚望落晶瑩剔透肉厚，入口魚油甘香細膩，偏肥美嘅刺身，個人鍾意池魚多過象拔蚌!! 🔘精選壽司 (真鯛、秋刀魚)真鯛肉質清鮮甜美，落咗松露油，幾新鮮嘅配搭，大廚提醒唔使再另外點豉油食!!依家係啱食秋刀魚嘅季節，肉質好柔軟，加上即磨薑蓉蔥蓉，啱季節好重要好少覺得秋刀魚肥美，果然係不時不食!!🔘香煎鵝肝鵝肝嘅香脆道有100%，平時食到嘅鵝肝外皮冇咁脆，可能同煮完即刻serve俾你食都有關係，配搭自家製藍莓醬汁中和返油膩感!! 🔘野生大虎蝦爽口彈牙，點檸檬汁更加提鮮，覺得隻蝦可以再大隻少少!! 🔘香草牛油帆立貝大大粒來自北海道嘅帆立貝，煮到八成熟，鮮味十足，柔軟口感而且充滿牛油香，好好味呀!! 🔘美國頂級牛肉分別揀咗
🔘前菜
鮟鱇魚肝有<海中鵝肝>嘅美譽，入口即化，配搭明太子，味道更加提升!!
🔘季節刺身 (象拔蚌、池魚)
擺盤好靚有紅葉點綴，象拔蚌口感爽脆鮮甜，池魚望落晶瑩剔透肉厚，入口魚油甘香細膩，偏肥美嘅刺身，個人鍾意池魚多過象拔蚌!!
🔘精選壽司 (真鯛、秋刀魚)
真鯛肉質清鮮甜美，落咗松露油，幾新鮮嘅配搭，大廚提醒唔使再另外點豉油食!!
依家係啱食秋刀魚嘅季節，肉質好柔軟，加上即磨薑蓉蔥蓉，啱季節好重要好少覺得秋刀魚肥美，果然係不時不食!!
🔘香煎鵝肝
鵝肝嘅香脆道有100%，平時食到嘅鵝肝外皮冇咁脆，可能同煮完即刻serve俾你食都有關係，配搭自家製藍莓醬汁中和返油膩感!!
🔘野生大虎蝦
爽口彈牙，點檸檬汁更加提鮮，覺得隻蝦可以再大隻少少!!
🔘香草牛油帆立貝
大大粒來自北海道嘅帆立貝，煮到八成熟，鮮味十足，柔軟口感而且充滿牛油香，好好味呀!!
🔘美國頂級牛肉
分別揀咗厚切牛肉同薄切牛肉，牛肉好軟熟有牛味，靚牛簡單用鹽調味已經好食，另一款係牛肉卷包住蔥，口感豐富啲多一層味道，各有風味，配搭蒜片同和風洋蔥沙律!!
🔘鐵板炒飯配海帶麵豉湯
炒飯粒粒分明，櫻花蝦炒得好乾身非常香，簡簡單單嘅炒飯都整得咁好味，厲害!!
🔘炒雜菜
主要係椰菜同埋雜菇，好貼心成餐飯都冇食過菜，最後有個炒雜菜結尾營養都均衡啲!!
張貼
