影片
更多
2023-10-06
23 瀏覽
一到年尾節日特別多，同朋友家人假日飯聚當然唔少得。今次我就搵到間位於天后電氣道亨環·天后頂樓的「宴·鐵板燒」。一上到頂樓就見到餐廳門前放有典雅華麗的日本擺設，而一入門右邊就係能夠飽覽維港景色的落地大玻璃，居高臨下廣闊視野令人心曠神怡☺️餐廳環境闊落，座位佈局大致分兩邊。一邊係盡覽維港景色嘅大梳化位，另一邊係可以欣賞到廚師廚藝的吧枱位置。用餐時間係平日晚上七點，眼見入座都七七八八，餘下座位都已經預留咗。由於我哋早前已經訂左位，所以唔需要等位就入得。另外經openrice訂座同預購套餐，仲可以用優惠價食到以下套餐，簡單一個步驟就令我哋慳到時間又慳到錢😚尊貴澳龍刺身牛柳日式鐵板燒二人前晚餐 $1988季節前菜 3款鵪鶉蛋海膽准山麵將准山切成幼條狀，好考刀功既一款菜式👏🏻爽脆既准山麵、鮮甜既馬糞海膽、滑溜既鵪鶉蛋，三者融和一齊，口感同味道都好多層次👍🏻時令黃桃配黃芥末沙律醬好新鮮既配搭，黃桃清甜多汁，配上有微辣既黃芥末同微酸既沙律醬，出奇地配合，好開胃既前菜👍🏻汁煮八爪魚 廚師用左特製醬汁慢煮一個多小時，入哂味，口感煙韌但軟身澳洲龍蝦刺身上枱時龍蝦仲會郁，超級新鮮！刺身好鮮甜，肉質爽口彈牙，廚師
餐廳環境闊落，座位佈局大致分兩邊。一邊係盡覽維港景色嘅大梳化位，另一邊係可以欣賞到廚師廚藝的吧枱位置。用餐時間係平日晚上七點，眼見入座都七七八八，餘下座位都已經預留咗。由於我哋早前已經訂左位，所以唔需要等位就入得。另外經openrice訂座同預購套餐，仲可以用優惠價食到以下套餐，簡單一個步驟就令我哋慳到時間又慳到錢😚
尊貴澳龍刺身牛柳日式鐵板燒二人前晚餐 $1988
季節前菜 3款
鵪鶉蛋海膽准山麵
將准山切成幼條狀，好考刀功既一款菜式👏🏻
爽脆既准山麵、鮮甜既馬糞海膽、滑溜既鵪鶉蛋，三者融和一齊，口感同味道都好多層次👍🏻
時令黃桃配黃芥末沙律醬
好新鮮既配搭，黃桃清甜多汁，配上有微辣既黃芥末同微酸既沙律醬，出奇地配合，好開胃既前菜👍🏻
汁煮八爪魚
廚師用左特製醬汁慢煮一個多小時，入哂味，口感煙韌但軟身
澳洲龍蝦刺身
上枱時龍蝦仲會郁，超級新鮮！
刺身好鮮甜，肉質爽口彈牙，廚師係刺身表面搽上少許柚子汁，每一口都品嘗到龍蝦既鮮美同柚子既清香，沾上少許玫瑰鹽，甜度更加直線上升！好味到勁快就清左碟😆
鐵板燒北寄貝
北寄貝夠新鮮，配上炸蒜同少量調味已經輕易帶出鮮美，廚師仲好細心地配上龍珠果，等客人可以清一清味蕾，為下一道菜作準備🥰
西班牙紅蝦
西班牙紅蝦既被譽為世界上最好食既蝦，比一般野生海蝦蝦味濃郁10倍，所以廚師冇加任何調味，只用紅蝦蝦膏作調味，原汁原味就最能品嘗西班牙紅蝦最真實既味道👍🏻 紅蝦蝦膏極為香濃，蝦肉爽甜鮮美，廚師仲將蝦腳煎到脆身，似炸過既口感，真係好味到連蝦腳都食埋呀😆
香煎鵝肝配自家製藍莓醬好厚身既法國鵝肝！😳廚師烹調時間恰到好處，入口即化👍🏻鵝肝既豐富油脂同酸甜濃郁既藍莓醬完美融合，減輕膩感😋香脆既多士亦吸收哂每一滴鵝油，充滿油香🥰配菜黑豆甘露煮亦都好驚喜，用左糖漿慢火煮一日一夜，口感非常綿密，值得一讚👍🏻
美國頂級牛柳5成熟既頂級牛柳，牛味濃郁，口感軟腍👍🏻 牛肉薄燒包住蔥花同大蒜，多肉汁又夠哂香口😋
鐵板炒飯睇住師傅係鐵板上炒飯好治癒，一路炒香味一路傳過黎，口水就一直流🤤
炒飯夠哂乾身有鑊氣，粒粒分明，洋蔥、香蔥既加入令炒飯更加香口
炒什菜
什茶夠清甜，配上旁邊既日式xo 醬，好惹味😋
自家製濃魚湯
奶白色既魚湯，正！再飲一啖，嗯☺️超濃郁鮮甜😍就算食到最後勁飽都係飲哂落肚😚
黑糖蕨餅配黑糖醬+抹茶布甸
蕨餅夠煙韌，配上甜而不膩既黑糖醬，好味道😋抹茶布甸茶味香濃夠滑身👍🏻
漬物拼盤
廚師自家製的六款漬物，有柚子蘿蔔、涼瓜、苦瓜、青瓜、薑漬、沙葛，酸甜苦辣有齊😆 最中意食柚子蘿蔔，酸酸甜甜可口解膩☺️
總結餐廳無論食材、服務、環境都屬高水平。店員對客人的細心。廚師對每道菜式的詳細講解，由食材特性、烹調方法，食用的先後次序等等。不單是味覺視覺上的享受，還有在廚師交談中得到的廚藝知識，經驗十分寶貴的。環境的寬敞，最大賣點的維港景色，情侶約會或者同外國朋友餐聚，甚至一大班朋友家人聚會都好適合❤️
張貼
