Deep Sea Oyster & Steak

營業中

休息中

今日同朋友去食尖沙咀既西餐，呢到氣氛幾唔錯! 食物選擇都幾多，睇個名以為係得西餐，原來仲有日式既串燒! 一次過滿足左想食唔同菜色既人。安格斯薄燒 以鐵板燒形式處理，牛肉好香，仲有陣陣既蒜片味，仲有得配埋醬汁，酸酸地幾開胃。不過個人覺得單食已經好夠味。松露蟹膏意粉松露味突出，蟹膏份量都好多，醬汁整體好creamy , d 意粉都掛曬汁，好夠味。食食下發現D意粉都幾多下，食到好飽。串燒叫左燒翠玉瓜同埋脆炸芝麻雞翼，燒翠玉瓜好juicy，一咬就爆汁，好好食。芝麻雞翼都好香脆可口。最後仲叫左個甜品，newyork cheesecake , 店員仲好有心擺碟，十分岩打卡用。感覺呢到出品用心，環境舒服，下次有咩慶祝活動都會同朋友黎呢到。