牛気 (淘大商場1期)

營業中

休息中

［📍九龍灣｜牛気］之前食開銅鑼灣分店，已經覺得呢間餐廳環境清新，食物質素高，今次見到九龍灣新開張，放工經過，決定過嚟支持下。果然冇令我失望，九龍灣分店依舊環境裝修得非常之靚，座位闊落。今次叫咗LV4套餐，仲有得任食海鮮，湯底揀咗鴛鴦鍋，蕃茄濃湯同味噌海老鹽湯。湯底方面，呢到有成九款湯底咁多，味噌海老鹽湯係佢哋期間限定嘅湯底。呢款湯底清清淡淡，聞到好香嘅海老味，用嚟打邊爐岩哂，唔會太濃而搶晒食材嘅味道。肉類方面，呢個套餐分別有八款唔同嘅肉類選擇。最特別嘅係呢個套餐包埋任食嘅牛舌同牛骨髓。呢度嘅牛舌厚薄適中，牛脂味好香，口感爽彈。呢度嘅自助區包羅萬有，無論係配料、蔬菜、熟食定係飲品都有好多款。呢度除咗打邊爐嘅配料好食之餘，佢哋嘅小菜類都好出色。呢度嘅臘味糯米飯非常有驚喜，糯米粒粒分明，臘美味亦好香，估唔到日式火鍋店，食到咁出色嘅臘味糯米飯。今期甜品仲有港式小食代表，雞蛋仔雪糕。除咗雪糕，仲有糖水。呢度嘅楊枝甘露，芒果同西柚嘅份量非常之足料，甜度啱啱好，非常清新。