牛気 (淘大商場1期)

火鍋季又來一蛋，今天來到九龍灣的牛気，一直都出名牛肉質素高，海鮮夠新鮮，最特別是店面夠大夠新，環境相當不錯，因此這次已經不是我們第一次光顧呢🥳✏️位置（8/10）：淘大花園食街，當眼易找，步行到地鐵站也只需約5分鐘✏️環境（9/10）：店面很大，自助區廣闊清晰，座位夠多夠舒適✏️服務（9/10）：侍應相當友善，掃碼下單後上菜很有效率✏️食物（9/10）：牛肉及海鮮都很不錯，任食兩小時大滿足🌟LV5澳洲極上和牛+海鮮放題120分鐘套餐 - $438/位我們選了LV5任飲任食套餐，期間限定送日本產特選牛肩胛，還有清酒啤酒任飲，讚好社交平台更送Mövenpick一客，感覺很抵食😝🍴西西里蕃茄魚湯餐廳最近主打的新湯底，蕃茄味超香濃，既暖肚又養顏，打邊爐也相當入味😜🍴牛肉LV5主打澳洲極上和牛，嫩滑牛味濃；期間限定的日本產特選牛肩胛，油花均勻吸引；另外還有澳洲穀飼黑安格斯牛、SRF美國極黑牛、特選牛小排、美國肩胛肉眼、穀飼牛肩肉、牛舌、牛骨髓、手打牛滑等🤩🍴其他肉類除了牛肉外，當然也有其他肉類，包括日本赤雞雞爽肉、精選雞腿肉及特選豚肉等等😆🍴海鮮主打超大隻的野生刺身大紅蝦，非常爽甜彈牙，有高質的挪威三文魚刺身，還有原隻鮑魚、韓國生蠔、日本帆立貝、花膠、青口、大海蝦、墨魚滑、脆鯛魚片、爽脆水魷等等，整體都十分新鮮😍🍴壽司有蟹柳、玉子、八爪魚、熟蝦、鮑片及鰻魚壽司，還有迷李飯的迷你吉列蠔丼、明太子三文魚丼及蔥吞拿魚腩丼，不會讓你吃得太飽😉🍴餃丸類掃碼下單的有手工白菜豬肉餃、手工韭菜豬肉餃及手打黃金蝦丸，當然少不了自助區多款進口丸類及新鮮蔬菜，還有多款不同的麵類選擇🤓🍴自助熟食有青瓜薯蓉沙律、希臘沙律、玉米忌廉湯 、自製牛丼、關東煮、山椒拌魚皮、雞翼、吉列炸蝦、地中海香蒜烤蔬菜、意式香草芝士蕃茄肉丸及蒜香牛油焗海螺等等，又飽肚又好味😊🍴甜品多款甜品任君選擇，有藍莓糯米糍、橙香奶酪方糕、朱古力布朗尼、馬卡龍、鮮柚楊枝甘露、豆腐花、乳酪雪糕、榴槤雪條，還有分店限定香滑的十勝紅豆豆乳冰豆花，總有一款適合您😘🍴飲品多款品牌罐裝飲品任食，還有啤酒或清酒可點，另外還有咖啡機，有太太最愛的熱朱古力呢🥰🏠牛気(九龍灣) 📬九龍灣牛頭角道77號淘大商場1期地下G143-162號舖…查看更多

呢日過咗嚟牛気嘅新分店食個豐富lunch，揀咗任飲任食120分鐘嘅Lv4套餐，主打澳洲穀飼黑安格斯牛、SRF美國極黑牛同埋海鮮放題🥳 餐廳定期推出唔同嘅主題，呢期”泰Happi”有多款泰式嘅推介菜式💛鍋底我地嗌咗鴛鴦鍋，有帶點辣辣地泰式船麵湯，真係同泰國食船麵好相似🫢 入面主要有芽菜同埋香脆豬皮，我哋用佢嚟煮泰式麵真係好夾。另一款我地嗌咗日式牛骨濃湯，帶少少微辣，攞嚟落牛肉真係一流🍲肉類呢個套餐主打SRF美國極黑牛同埋澳洲穀飼黑安格斯牛，兩款嘅肉味都好濃郁又美味，令人好滿足🐮 另外雞腿肉好厚身，入口幾juicy，係gym buddy嘅天堂🐥 海鮮海鮮都係任食，真係回本之選🫶🏻 有即食嘅三文魚刺身，今期特別推介有泰式生蝦刺身，蝦肉好爽口🦐 其他火鍋用嘅海鮮包括日本帆立貝、爽脆水魷、大海蝦、青口、花膠同埋墨魚滑，選擇都好多元化㗎🥰火鍋配料自助吧嘅食物排列整齊，有多款新鮮嘅本地水耕菜🥬 自助區仲有丸類，個人幾鍾意爆濃芝士丸🧀 仲可以用QR code落部份火鍋配料，手打黃金蝦丸係蝦仁包裹住鹹蛋黃，一啖大滿足🍤 甜品有多款榴槤主題嘅甜品，D24榴槤雪米糍呢個真係大推，一客包括咗一粒D24榴槤雪米糍同埋D24榴槤果肉，真係令人好滿足呀💛 另外自助包仲可以攞到榴槤巴斯克、榴槤芝士蛋撻、榴槤大福同埋榴槤炸彈，真係梗有一款啱你心意。另外仲有鮮柚楊枝甘露、開心果泡芙、同埋店舖限定嘅十勝紅豆豆乳冰豆花😗 呢日有開心果口味嘅唧軟雪糕🍦飲品飲品方面主要有無糖茶、汽水 、韓國飲品都有供應🥤呢餐食足120分鐘真係好飽，食咗好多靚牛靚海鮮，特別鍾意呢度嘅環境好光猛舒適，食得更加起勁，泰happi啦😍…查看更多

牛氣一直都係高人氣嘅水準火鍋放題餐廳，有唔同等級嘅放題套餐可以揀，豐儉由人，今次我地揀左LV4澳洲穀飼黑安格斯牛、SRF美國極黑牛同海鮮套餐($338/人)，120分鐘任飲任食，肉類海鮮齊備，簡直係夢幻級放題😍內裡空間超大，唔會坐到好逼，乾淨企理，食得幾舒服👍🏻自助區：多款火鍋配料、本地水耕菜、今期期間限定主題韓風祭小食等，勁多野可以拎😍關東煮醬料區甜品區：有糕點、大福、雪糕、棉花糖等飲品區：選擇都唔少，有茶類或汽水類飲品，我幾中意罐韓國橙汁😉食物陸續到齊，大合照🤩湯底：今次我地揀左味噌海老鹽湯，鹹香適中，帶有濃郁蝦味，入面仲有味噌提升湯底層次，無論涮肉定煮海鮮都好啱口味😁肉類：今次揀左LV4套餐，當然主打澳洲穀飼黑安格斯牛😎油花分佈靚，肉質嫩滑，食落牛味香濃，真係極品🤤SRF美國極黑牛一樣高質，極黑牛肉質細緻，入口即溶，令人食過翻尋味😍至於PRIME美國肩胛肉眼食落都幾香牛味，質素唔錯😄牛舌爽口彈牙，口感幾好海鮮：LV4或以上嘅套餐就包埋海鮮放題，選擇都唔少，有花膠、青口、大海蝦、墨魚滑、爽脆水魷、脆鯛魚片、竹笙蝦滑、小刺參、海鮮蝦滑😉全部都係新鮮彈牙。墨魚滑、蝦滑口感細滑，花膠超級補身，煮完吸晒湯底精華，鮮甜惹味😋火鍋配料：必食手打黃金蝦丸，蝦丸彈牙鮮味十足，咬開裡面就有鹹蛋黃，邪惡惹味，每一啖都係幸福😎牛骨髓放入鍋裡滾一陣，味道變得更濃厚，口感唔錯👍🏻小食：有三文魚刺身可以ORDER過下刺身癮，肥美鮮甜，入口滑溜😄山椒拌魚皮食落爽口又帶少少辛香，醒胃又開胃😋醬油熟蝦蝦肉彈牙，鹹香適中，充滿韓式風味甜品：除左自助甜品區外，我地點左鮮柚楊枝甘露，清新解膩，柚子味同楊枝甘露融合得好完美👍🏻十勝紅豆豆乳冰豆花，紅豆香甜，豆花滑溜，係完美收尾🤩牛氣真係一間高CP值火鍋放題，啲肉質鮮靚，海鮮夠高質，職員都好有效率，夠主動提供紙巾同幫手加湯，食得舒服盡興，值得一再ENCORE🥰題外話：喺FB/IG留言仲有御守送，都幾精美用心👍🏻補MENU…查看更多

今次係牛氣試在佢地lv2放題，湯底揀咗限定西西里蕃茄魚湯。首先個蕃茄魚湯真係好正！湯底紅噹噹，蕃茄味濃而不會太酸，仲煲得夠耐，有淡淡魚香同海鮮甜。湯身有啲厚身，飲落暖胃又開胃，冬天食超舒服。烏冬配個湯底真係絕配吸嗮d湯，牛肉同其他配料都好夾。牛肉切得薄薄地，油花分佈均勻，涮十幾秒就啱啱好，入口軟嫩又有牛味，唔會鞋，lv2有咁既質素已經好掂。自助區好多款菜同丸可以揀，好適合解膩。甜品有好多選擇，最吸引既雪糕機焦糖咖啡味同乳酸味都幾好食。…查看更多

牛氣真係幾抵食，重點推海鮮同牛肉，質素真係好唔錯。海鮮拼盤好新鮮，蟹腳粗壯、肉厚，煮完都仲好甜好多汁。蝦彈牙唔腥，鮑魚同帶子都幾大粒，鮮味好夠，青口同象拔蚌片都好乾淨無沙無異味，海鮮控一定滿意。牛肉方面，和牛雪花分佈靚，油香夠而唔會太肥膩，十秒左右撈起，入口即化，肉味濃又有甜味。普通牛肉片雖然唔係和牛，但都切得薄厚均勻，肉質嫩滑，唔柴唔韌，食平d既餐都性價比好高。湯底方面，牛骨湯夠香又唔膩，兩款都襯到海鮮同牛肉。整體食材新鮮、處理乾淨，牛肉同海鮮質素穩定，唔使靠誇張形容，都值得專程嚟食。下次會再試埋其他湯底。…查看更多