唐坊火鍋私房菜

營業中

休息中

今日黎到油麻地打邊爐，想同朋友可以慢慢傾偈，所以揀咗呢間做私房菜嘅打邊爐舖頭，貪佢環境比較靜，同埋係23樓高層，可以望著出面街景，幾舒服😌我地叫左1️⃣蟲草花茶樹菇養生湯💰108呢個養生湯我好推薦，店員話打邊爐之前可以飲左湯先，菇味好濃，湯底好清甜，一啲都唔油膩，用嚟打邊爐最啱❤️2️⃣手切頂級鮮牛（小）💰248牛肉質素好高，同冰鮮牛唔同，喺養生湯鍋烚幾秒已經食得，牛肉味香濃，牛脂分布平均，食落口油香滿溢，正😍3️⃣白豬仔午餐肉💰68係平時好食個隻午餐肉，店員好有心機切到心心咁😎4️⃣三寶丸💰92三寶丸有牛丸、花枝丸、蝦丸，全部都係手打，當中我最鍾意食牛丸，非常彈牙，咬開肉汁爆曬出黎，一定要食5️⃣麻辣桂花蚌💰48呢個桂花蚌用咗麻辣汁嚟煮，係暖暖哋嘅，食落唔算好辣，但係保留咗桂花蚌嘅爽口，一啲都唔腥，正6️⃣田園雜菜💰88有多樣蔬菜，有菜心、娃娃菜、蕃茄、粟米、油麥菜，全部都好新鮮，同茶樹菇湯底好夾，蔬菜煮完更加清甜7️⃣紙豆腐💰28呢個紙豆腐，店員推薦，所以叫黎試吓。佢個樣好特別，好似一卷紙咁樣，夾住佢係湯底烚4秒左右就可以食得，食落感覺似腐竹，少少清甜。8️⃣椰子水💰15食打邊爐費事飲太多汽水，見到有椰子水所以試下