影片
更多
2023-11-15
68 瀏覽
💁♀️💁♂️ 9/11/2023(Thu), Dinner🍽💁♀️為食妙妙同💁A先生忙完🙎♂️小朋友嘅呈分試之後，決定要食返餐好嘅慰勞一下作為家長嘅付出🤣。今次我哋揀咗太和附近嘅一間好神秘嘅餐廳 - 燚 ，佢嘅門面就係一度木門，從外面完全睇唔到餐廳嘅內部，神秘得嚟私隱度又高😎。餐廳係食偏fusion嘅鐵板燒，由酒店前主廚主理，食物嘅烹煮方式同擺盤都比一般鐵板燒精緻😍。餐廳座位唔多，大約都係6個鐵板燒位另外再加兩張卡位，坐得舒服唔會迫狹，適合慶祝生日🎂或者紀念日，而當晚坐喺鐵板燒位嘅3對食客就正正係黎慶祝。可惜我哋遲咗訂位，坐唔到鐵板燒位，只能坐卡位，唔可以邊食邊睇廚師煮鐵板燒嘅情況。不過廚師都好好人👍👍👍，喺佢忙完鐵板燒枱嘅客人之後都有嚟問返食物嘅意見，又會講多啲食物嘅煮法。總括嚟講今晚係個好好嘅體驗，下次要早多少少訂鐵板燒枱嘅位邊睇廚師煮邊食。而今晚我地order咗🍽：🔆 入門8道菜廚師發辦套餐（$688/person）🍽️ 沙律（煙三文魚沙律）鹹香嘅煙三文魚卷住新鮮爽脆嘅沙律菜，伴碟有車厘茄、龍珠果同埋一啲白色泡泡🫧。簡簡單單咁，但唔見有沙律汁嘅？！其實廚師上菜時已經介紹咗碟上面嘅泡
💁♀️為食妙妙同💁A先生忙完🙎♂️小朋友嘅呈分試之後，決定要食返餐好嘅慰勞一下作為家長嘅付出🤣。今次我哋揀咗太和附近嘅一間好神秘嘅餐廳 - 燚 ，佢嘅門面就係一度木門，從外面完全睇唔到餐廳嘅內部，神秘得嚟私隱度又高😎。
餐廳係食偏fusion嘅鐵板燒，由酒店前主廚主理，食物嘅烹煮方式同擺盤都比一般鐵板燒精緻😍。餐廳座位唔多，大約都係6個鐵板燒位另外再加兩張卡位，坐得舒服唔會迫狹，適合慶祝生日🎂或者紀念日，而當晚坐喺鐵板燒位嘅3對食客就正正係黎慶祝。可惜我哋遲咗訂位，坐唔到鐵板燒位，只能坐卡位，唔可以邊食邊睇廚師煮鐵板燒嘅情況。不過廚師都好好人👍👍👍，喺佢忙完鐵板燒枱嘅客人之後都有嚟問返食物嘅意見，又會講多啲食物嘅煮法。
總括嚟講今晚係個好好嘅體驗，下次要早多少少訂鐵板燒枱嘅位邊睇廚師煮邊食。
而今晚我地order咗🍽：
🔆 入門8道菜廚師發辦套餐（$688/person）
🍽️ 沙律（煙三文魚沙律）
鹹香嘅煙三文魚卷住新鮮爽脆嘅沙律菜，伴碟有車厘茄、龍珠果同埋一啲白色泡泡🫧。簡簡單單咁，但唔見有沙律汁嘅？！其實廚師上菜時已經介紹咗碟上面嘅泡泡🫧就係黑醋泡泡🫧，可以當沙律汁咁撈埋一齊入口。呢個安排幾特別，有啲份子料理嘅感覺。
🍽️ 前菜（鵝肝凍）
由上面到下面每層分別係：金箔魚子醬、菠蘿肉、鵝肝凍同埋菠蘿果蓉，一鹹一甜咁互相間隔。入口味道口感同樣豐富，有粒粒鹹鹹哋嘅魚子醬，加上香甜菠蘿🍍片同果蓉，再連埋幼滑嘅鵝肝。一啖有晒咁多種味道，菠蘿🍍嘅清甜解咗鵝肝嘅膩，配合得好好👍🏻。
🍽️ 鐵板海鮮兩品（扇貝、東星斑、鮑魚x2）
海鮮方面每人有兩款，今晚我哋兩個set總共食到3款，包括有扇貝、東星斑同埋鮑魚，配竹炭鹽同埋柚子泡泡。
扇貝鐵板燒過之後配黑松露牛油，入口扇貝剛熟嫩滑，再加上黑松露嘅香氣，十分吸引。東星斑魚肉都好大件厚肉，簡簡單單食返魚肉嘅鮮嫩。最有驚喜嘅就係鮑魚，配上蒜蓉去鐵板燒，每位有2隻，雖然唔係太大隻，但廚師煮得剛剛好，肉質彈牙而且入味，我哋都食得好滿意。
🍽️ 鐵板肉類一品（日本雞肉、日本豚肉）
至於肉類就每個set有一款，廚師安排咗俾我哋嘅分別係日本雞肉同埋日本豚肉，配蒜香牛油汁同竹炭鹽，同一粒切成蘑菇🍄形狀嘅車厘子蘿蔔。
雞肉皮脆肉嫩，入口彈牙而且充滿肉汁，仲有一個廚師秘製嘅微辣醬汁，食落香口惹味。至於豚肉就係厚切嘅，豬肉好怕煮過咗火會乾柴，呢度就無呢個問題，有肉味得嚟仲好有肉汁。豚肉都配有一個秘製醬汁，呢一款就甜甜酸酸，開胃又解膩。
🍽️ 炒飯（海膽炒飯）
炒飯炒得乾身爽口，飯粒炒得粒粒分明，再放上一片海膽喺飯上面，食嘅時候將海膽同炒飯拌勻，令到海膽嘅鮮甜味滲入飯粒入面，再加埋脆口嘅牛油渣粒粒，味道同口感都一流👍🏻。
🍽️ 湯（手打黑豚肉丸麵豉湯）
麵豉湯味道唔會死鹹，加埋昆布同埋手打嘅黑豚肉丸，帶出一啲鮮甜味道。手打肉丸入口鬆化唔死實，喺食完咁豐富嘅鐵板燒之後食都唔會覺得太大負擔，整個湯品飲落係順喉舒服嘅。
🍽️ 甜品（吉士紅豆🫘可麗餅）
由餅皮到吉士再到紅豆🫘都係自家製嘅，甜度控制得宜，所以食落唔會覺得過甜。餅皮比一般煙韌，而紅豆🫘蓉嘅紅豆🫘味香濃。作為紅豆🫘控嘅A先生十分滿意👍🏻！
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：9/🔟
❤🙆♀️(為食妙妙)整體食評：9/🔟
👉🏻 私隱度高嘅fusion鐵板燒餐廳，適合幾個人嘅細group組合食飯或者慶祝
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 餐廳附近就有唔少錶位🅿️，等一等好快有得泊
👉🏻 太和站或者大埔中心行過嚟都係10分鐘左右路程，交通尚算方便
🔆🔆🔆🔆🔆🔆🔆🔆🔆🔆🔆🔆🔆
張貼
