焱丸水產

營業中

休息中

呢間日式居酒屋主打磯燒海產, 店內裝潢以木系為主調, 周圍掛滿日式燈籠同海報, 猶如置身於日本地道居酒屋🏮～🥢焱丸活貝大盛有扇貝、鮑魚、蜆、牡蠣🦪, 職員會幫忙燒各款海鮮, 簡單調味, 帶出海鮮嘅鮮味！扇貝大粒又彈牙, 保留住帶子嘅鮮甜; 鮑魚新鮮厚實, 爽彈又鮮美; 原隻牡蠣燒出嚟肥美多汁！🦀蟹味噌甲羅燒必點菜式👍🏻！蟹蓋裡有滿滿嘅蟹膏, 蟹膏好香濃, 鹹甜適中, 濃濃嘅蟹膏味令人回味！裏面混入蟹肉、粒粒蟹籽, 口感豐富！我哋仲加咗一客薄餅, 將蟹膏同埋青瓜絲放上薄餅上食, 有別一番滋味！🥢鮭魚冷麵個賣相好正！掛上一排三文魚刺身, 切成條狀, 店員教我哋將鵪鶉蛋、芥末同豉油加入冷麵汁當中撈勻。夾起一條三文魚刺身放入冷麵汁裏面, 然後放入口, 食到三文魚嘅鮮味！呢種食法真係第一次試, 感覺新穎又特別！🍣焱丸號壽司壽司卷上面鋪滿海膽、三文魚籽、帆立貝粒、吞拿魚蓉、蟹柳絲等等, 非常澎湃！🐟鹽燒三文魚鮫三文魚皮煎至香口, 三文魚肉嫩滑, 又有三文魚油香氣, 啖啖肉, 調味剛剛好, 非常惹味！