古琴雅苑 (利舞臺廣場)

營業中

休息中

今日為咗慶祝朋友搵到新工，所以我地就搵咗間唔錯嘅中菜去慶祝下～烤北京填鴨（半隻）+ 鴨卷餅+ 烤鴨配料睇佢寫半隻烤鴨，以為會好少份，點知個份量都好多下，鴨嘅香味好勁，一咬落去啲鴨油都出曬嚟，就咁食嘅話可能好易膩，但配埋卷餅、青蔥、青瓜等等嘅食材就剛剛好，食到我同朋友都唔停口。花雕醉雞（半隻）未食已經聞到好香嘅酒味，雞嘅肉質都幾嫩滑，啲酒味入味得嚟又唔會搶走曬啲雞味，而雞嘅份量又相當足料，勁讚！！清炒鱔糊本身我超鍾意食鱔糊嘅人，但多時炒鱔糊都會配埋韭黃，令到我呢啲偏食嘅小朋友都卻步，呢個清炒鱔糊就啱曬我，基本上係唔會食到有韭黃，可以放膽食啖啖肉嘅鱔！瑤柱蛋白炒飯個炒飯好足料，而且炒到個飯都好乾身，而啲瑤柱個量都好多，所以成個炒飯都好香瑤柱味。南翔小籠包小籠包入面有好多湯汁，而且啲料都好足，食落去好有肉香味。