六六六六火鍋

營業中

休息中

朋友仔話請食飯，仲要揀咗間咁高級嘅火鍋店，令我好驚喜—六六六六火鍋。.我好鍾意打邊爐，仲要環境咁靚，好打卡able。.見枱枱都叫話梅車厘茄，未食過嘅我好想試下，車厘茄去左皮，口感軟軟，咬落爆汁，甜酸甜酸，朋友覺得太酸，但我覺得好ok。.湯底揀左養生人蔘同沙嗲湯，一定要揀鴛鴦鍋，食落多變化啲。人蔘鍋好足料，有一條人參同其他養生材料。忍唔住飲碗湯先。沙嗲湯就唔算濃比較稀身，唔似港式咁重花生醬味。響鈴卷炸魚皮響鈴卷同魚皮都係厚實鬆脆果種。.牛小排肉味香濃肉質細嫩。黑豚肉就爽甜一點。.海鮮南非鮑魚、海中蝦同蟶子，唔平但大大隻又新鮮啊。.四寶丸就各有特色但我覺得可以彈牙啲同個味道可以再特出啲會更好。.餃類試咗雲吞水餃同韮菜餃，餃嘅餡嘅蝦唔係平時食開雲吞麵舖果啲爽蝦，而係好實淨同比較乾身嘅蝦。