淥鼎記

營業中

休息中

咁岩要去旺角又好耐無食火煱，見到淥鼎記又有雞煲、酸菜魚，咩都有咁～餐廳環境好中國風好岩飲茶食點心，店員話真係有點心食不過係中午時份，下次有機會黎試下先。叫左個爵爺套餐首先有2款小食係花螺同魚皮，味道不過不失，之後就六選一主菜，因為近排食左烤魚就揀雞煲食，醬汁唔會太濃但夠惹味，雞肉肉質嫩滑，份量岩岩好，太多就食唔到火鍋，上左雞煲同時有一盤刺身入面有三文魚、帶子、鮑魚、牡丹蝦等等，質素都唔差，牡丹蝦同帶子都夠大隻。火鍋湯底六選一就揀左清清地既豬骨湯，入面包左豪華海鮮拼盤又係有蝦、鮑魚、沙白、墨魚仔、墨魚滑、蝦滑，想講唔洗再另外order 拎野食都好夠份量，仲有頂級手切牛同牛丸，手切牛，脂肪雪花狀分布平均。火鍋配料都有好多款感覺衛生，每樣食物都有膠盒封好而飲品雪櫃入面除了各式各樣的汽水、茶飲之外，最欣賞有涼茶（竹蔗茅根）飲真係好貼心食到最後仲有甜品，4款口味Haagen-Dazs雪糕選擇，只可以講性價比高！