影片
更多
2024-10-14
152 瀏覽
相約好耐無見嘅同學飯聚，地點由讀書時期已係康樂組組員安排，不要問，只要跟隊….哈哈。就係呢間食泰國越南菜，半開放格局，呢排微涼天氣都幾舒服。大家七咀八舌，每人都有想食嘅菜式，打頭陣係呢客酸辣椰奶鷄湯 ($118)，奶白色湯中浮起幾隻紅辣椒乾。味道有香濃椰奶香味，但又有點酸辣。食到鷄肉，草菇，車厘茄及香葉。比起冬蔭公嘅酸辣味無咁嗆鼻，幾易令人上癮。歡喜食泰式柚子沙律 ($118)，好多時食泰菜都會叫。呢度嘅柚子每粒都漲卜卜，酸甜又爆汁，加埋花生及炸蒜，豐富咗唔同口感。仲有兩隻彈牙大蝦，淋上酸甜汁，又係惹人胃口嘅。有食物當然要配返杯特色凍飲，除咗傳統泰式飲品，呢度仲有Beer/Cocktail/Mocktail/Coffee等等。被同學中呢兩杯無酒精飲品外型所吸引…………….又跟叫。Pineapple Sky ($78)及Lemongrass Mojito ($78)。前者充滿菠蘿嘅香甜味，再加埋橙及青檸嘅香酸味，酸甜果味幾開胃。而配合泰菜主題，加埋香茅嘅Mojito，望落已經感有清爽感覺，飲落又有氣感，so good!炒菜都有幾款煮法，有辣有唔辣。食開馬拉盞通菜($98)就照跟。加入蝦米
大家七咀八舌，每人都有想食嘅菜式，打頭陣係呢客酸辣椰奶鷄湯 ($118)，奶白色湯中浮起幾隻紅辣椒乾。
味道有香濃椰奶香味，但又有點酸辣。食到鷄肉，草菇，車厘茄及香葉。比起冬蔭公嘅酸辣味無咁嗆鼻，幾易令人上癮。
歡喜食泰式柚子沙律 ($118)，好多時食泰菜都會叫。
呢度嘅柚子每粒都漲卜卜，酸甜又爆汁，加埋花生及炸蒜，豐富咗唔同口感。仲有兩隻彈牙大蝦，淋上酸甜汁，又係惹人胃口嘅。
有食物當然要配返杯特色凍飲，除咗傳統泰式飲品，呢度仲有Beer/Cocktail/Mocktail/Coffee等等。被同學中呢兩杯無酒精飲品外型所吸引…………….又跟叫。Pineapple Sky ($78)及Lemongrass Mojito ($78)。前者充滿菠蘿嘅香甜味，再加埋橙及青檸嘅香酸味，酸甜果味幾開胃。而配合泰菜主題，加埋香茅嘅Mojito，望落已經感有清爽感覺，飲落又有氣感，so good!
炒菜都有幾款煮法，有辣有唔辣。食開馬拉盞通菜($98)就照跟。加入蝦米及豆醬快炒，唔辣又惹味。
主菜泰式馬沙文咖喱，可選牛 ($148)/羊腿 ($198)。馬沙文咖喱係泰式著名四種咖喱之一，以薑黃粉，芫茜籽等帶有辣味嘅香料，但辣度輕微，以咖喱香甜為主口。
選擇牛肉，煮得夠腍，仲有其他配料如薯仔，洋蔥，花生及最特別食到蓮子及栗子。白飯同咖喱係永遠嘅CP，又點少得白飯呢?!
呢客炭燒香茅西冷牛肉 ($138)，陣容唔野少，係牛魔王同學點選嘅。
將西冷牛肉薄片卷住條香茅，另跟款淡口版嘅沙嗲汁。入口肉嫩，好易將肉同香茅分離，加埋個汁係好襯嘅。
另外仲有生菜及炸蒜粒米粉，又可以配另個酸辣汁包住食，滿足呀。呢度侍應以英文溝通，落單以菜式號碼就搞掂，大部份熱情有禮，所以比較多外國人幫襯，下次可以同其他朋友再黎。
張貼
