影片
更多
2020-02-24
1888 瀏覽
Samsen呢間舖頭大家一定聽過，最上名係佢個湯河，但原來最近係上環開左一間新分店，同灣仔店既特色菜式完全唔同，大家試過灣仔店，都可以嚟上環店試新野！我果日就叫左碟泰式炒河粉。我覺得個味道真係好似置身於泰國地道餐廳咁。首先，碟河粉非常有鑊氣，食落熱呼呼，又新鮮又香噴噴。廚師亦落左好多香料同辣椒，食落又香又麻，都幾過癮😘！幾特別既係好少餐廳會用呢款闊河粉，食落比一般河粉薄點、透點，面積大一點掛多一點醬汁，食落都幾惹味😋。廚師用左和牛炒，我會話塊牛肉真幾滑同腍！河粉食落好香好麻，加埋辣醬就真幾醒神！同行朋友叫左一碗［泰北咖喱牛金麵］，食落咖哩都幾香濃，落左椰汁後就變得更滑，而麵幾爽口，幾香蛋味！（可惜我無影到😅）如果大家有食咖哩，可以叫一碟飛餅，本身口感就幾鬆，而又烤到好酥脆，點落咖哩度食味道好夾！甜品我地就貪心D，叫左兩款😂！香蕉煎餅雖然只得煉奶，但估唔到同香蕉味道都幾夾，同埋甜到剛剛好，假若再加朱古力醬會變得太甜。椰子雪糕都好得意😎，除左香濃椰子味外，入面都有點椰肉，同時入面有咸味既花生同栗米，除左增加口感外，更突出了甜味，算幾特別。Samsen我之前就未食過，但試完我就覺得幾高質，味
我果日就叫左碟泰式炒河粉。我覺得個味道真係好似置身於泰國地道餐廳咁。首先，碟河粉非常有鑊氣，食落熱呼呼，又新鮮又香噴噴。廚師亦落左好多香料同辣椒，食落又香又麻，都幾過癮😘！幾特別既係好少餐廳會用呢款闊河粉，食落比一般河粉薄點、透點，面積大一點掛多一點醬汁，食落都幾惹味😋。廚師用左和牛炒，我會話塊牛肉真幾滑同腍！河粉食落好香好麻，加埋辣醬就真幾醒神！
同行朋友叫左一碗［泰北咖喱牛金麵］，食落咖哩都幾香濃，落左椰汁後就變得更滑，而麵幾爽口，幾香蛋味！（可惜我無影到😅）如果大家有食咖哩，可以叫一碟飛餅，本身口感就幾鬆，而又烤到好酥脆，點落咖哩度食味道好夾！
甜品我地就貪心D，叫左兩款😂！香蕉煎餅雖然只得煉奶，但估唔到同香蕉味道都幾夾，同埋甜到剛剛好，假若再加朱古力醬會變得太甜。椰子雪糕都好得意😎，除左香濃椰子味外，入面都有點椰肉，同時入面有咸味既花生同栗米，除左增加口感外，更突出了甜味，算幾特別。
Samsen我之前就未食過，但試完我就覺得幾高質，味道都唔錯，所以價錢貴D我覺得咁算合理😋，搞到我想試埋灣仔果間😂，有冇朋友食過，分享下有咩好西？
香辣泰式炒闊河粉
$138
240 瀏覽
0 讚好
0 留言
鮮製泰式飛餅
$38
216 瀏覽
2 讚好
0 留言
特製泰式香蕉煎餅
$78
577 瀏覽
2 讚好
0 留言
泰式街頭椰子雪糕
$68
380 瀏覽
0 讚好
0 留言
張貼
