Samsen 泰館

營業中

休息中

情人節果日，老公接我收工，我地冇訂餐廳，所以是但食。呢間泰國菜館我成日想同老公食，難得佢黎接我，就食呢間。未夠6點，已經排緊，幾驚要等，好在係佢未開門放人入去。佢係OPEN KITCHEN，好有氣氛。我哋叫咗幾樣嘢食，首先係肉碎生菜包，呢個好開胃！肉碎炒得香辣惹味，配上新鮮嘅生菜一齊食，唔錯。評分：👍🏻👍🏻👍🏻/5跟住係泰北咖哩牛金麵，呢個係餐廳嘅招牌菜之一，咖哩湯底好濃郁，帶少少椰奶香，牛肉煮得好淋，入口即化，金麵吸晒湯汁嘅精華，每一啖都好滿足。評分：👍🏻👍🏻👍🏻👍🏻/5小食方面，我哋叫咗串燒雞肉，雞肉燒得啱啱好，外皮微焦，入面嘅肉好嫩滑。評分：👍🏻👍🏻👍🏻👍🏻/5飲品方面，我哋叫咗百香果沙冰，呢個真係好清新！百香果嘅酸甜味好突出，沙冰打得幼滑，飲落好解渴。評分：👍🏻👍🏻👍🏻/5甜品方面，我哋叫咗椰子雪糕同埋香蕉飛餅。椰子雪糕好香濃，而且仲有椰子肉。評分：👍🏻👍🏻👍🏻👍🏻/5香蕉飛餅外皮煎得香脆，入面有好多香蕉，好味！雖然最後好飽，我地打包左香蕉飛餅，但真係好滿足。評分：👍🏻👍🏻👍🏻👍🏻/5整體嚟講，Samsen 泰館嘅食物質素好高，所以成日都有咁多人係度排隊等位。整體味道指數：😋😋

Unreasonable seating rules, empty tables, yet refused to let 2 of us sit first. Rude manager, ruined our birthday plans – NEVER GOING BACK! 😡😡😡"On the evening of April 2, 2024, at 6:00 PM, my group of 5 friends (including a birthday celebration)visited the restaurant. Since there do not accept reservations, we arrived early to wait, even though the restaurant was only 1/4 full. - Initially, the host staff said "at least 2-3 people"were required to be seated. By 6:30 PM, 2 of us had arrived yet

鋪頭細細但好有feel😍 水泥牆+木枱凳，仲有個開放式廚房，成日傳出香茅同椰香，未食已經流口水🤤🍜 招牌和牛濃湯粉個湯真係不得了❗️個湯飲落超濃郁又帶少少甜，仲有淡淡香料味～和牛片薄到透光，入口即化👌 金邊粉滑嘟嘟，加埋豆芽香草，食完成個人暖笠笠💯🍦 椰子雪糕呢個就普普通通，可以唔叫，同泰國食到果個一啲都唔似...🍝 泰式炒闊河粉鑊氣十足🔥 河粉炒到乾身唔油膩，雞肉嫩滑，加埋蛋絲同辣椒粉，辣辣哋超開胃！記得擠啲青檸汁，即刻鮮味爆燈💥總括而言大約$200-300/位，雖然唔算平但絕對值回票價👍 不過鋪頭比較細，建議晏晝去會少人啲～

今日同埋一位泰國🇹🇭朋友去試吓｡佢推介蟹肉炒飯同埋皇牌和牛河粉🍲｡我朋友話仲好食過泰國分店煮😂香辣泰式炒河粉(和牛)$158啲河粉同其他河粉吾同比較大片,和牛味完成浸入哂河粉🍲,河粉彈牙爽口👍🏻｡招牌泰式蟹肉炒飯 $168炒個炒飯都算幾大碟👍🏻,有大大啖蟹肉｡炒飯比俾香濃可以配搭埋餐廳俾嘅辣椒料｡招牌泰式和牛濃湯粉 $168湯粉已經入哂和牛味😋忍唔住想飲埋啲湯｡泰式芒果糯米飯 $98🥭個芒果糯米飯比其他地方食偏甜,但整體幾好👍🏻｡芒果夠甜冇酸,椰奶香甜｡Sparkling Water $18 (任飲,計人頭數)

位於上環蘇杭街的「Samsen 泰館」，以簡約裝潢搭配木質元素，散發低調的泰式氛圍。此次點了三款食品：泰式火車炒飯配和牛 HKD158鑊氣十足，米粒分明且牛肉嫩滑，略帶香茅氣息；勁飽！泰北咖喱牛金麵 HKD158牛肉口感彈牙有咬口，湯底濃郁，椰奶與咖喱平衡得宜，麵條非常彈牙，但脆麵配料稍嫌不足；份量偏少泰式雞肉炒闊河粉HKD148雞肉軟嫩，河粉好彈牙，香辣鑊氣足，香料層次豐，泰味十分地道。三道菜均屬水準之上，惟份量偏精緻，人均消費連10%服務費約$170，以地段與品質而言價格還是偏貴，中午時段排隊半小時以上。餐廳服務態度親切，出餐效率高，味道正宗。若追求正宗泰北風味，此處值得一去，建議可搭配泰式飲品提升滿足感。分店遍佈灣仔、中環，方便上班族覓食。整體而言，適合三五好友小聚，推薦。

同同事食 Farewell 飯聽講呢間泰菜長期大排長龍滿心期待諗住試試結果換來些許失望.首先可能因為午市時間，餐牌選擇比較少碰巧同事都不太食辣，於是揀咗幾款招牌炒飯炒河，另外都叫咗招牌金麵與飲品.泰式蟹肉炒飯個人覺得晤太夠獲氣而且未到偏清淡，如果唔點附送嘅辣椒汁就係平平無奇嘅炒飯.泰式炒金邊粉份量較少、但海鮮份量足夠有 4 隻大蝦可供分享，擠上青檸汁味道都不錯但略顯油膩.泰式飲品：青檸梳打、泰式奶茶兩個極端，一個太甜一個太酸可隨個人喜好選擇另外都有酒精飲品

悶蛋每次嚟都係點返蟹肉炒飯睇同埋泰式和牛炒河~但今次嚟覺得個好似無以前咁精彩～Stir fried spicy Wagyu beef & flat noodles 和牛炒河口感依然滑溜，睇落差唔多但食落整體無咁惹味，要依靠個泰式辣醬先可以填補個空虛感好在個蟹肉炒飯 Fried rice of crabmeat & spring onions 依然係粒粒分明，蟹肉豐富嘅~Grilled chicken satay 沙嗲雞串燒 好食，雞肉夠滑，個沙嗲醬好香花生味十足！配合青瓜唔會好膩chopped duck & Thai herb salad crispy pork rinds and spicy lime dressing 係一個好食嘅生菜包，菜夠新鮮加埋脆炸豬皮好加分，調味清新夠曬開胃。不過講真個調味已經搶 fo 其實唔係好食得出係鴨肉Wagyu beef wok fried with chili, garlic & holy basil topped with a fried egg 覺得略嫌偏鹹，掩蓋咗和牛嘅味道，可能要叫個白飯先夾得到young coconut ice cream

🌟泰國菜排隊名店🌟 💰$200 - $400💰🐮泰北咖喱牛金麵Khao Soi $158 ❣️❣️沿用傳統泰北料理做法 湯底以多達11種泰式香料 椰奶 經八小時烹調而成香甜微辣 濃郁香醇 非常惹味 以泰國直送是小麥製作的雞蛋麵作麵底口感煙韌滑溜 有韌度咖喱汁緊緊包裹每一條麵條 掛湯力極強滿滿泰國風情🥰🦐泰式虎蝦炒金邊粉 $158 ❣️沿用泰國新鮮高品質金邊粉 更重米香 煙韌炒製時用上多達 18 種調味香料雞蛋 硬豆腐 蝦乾 魚露 蒜 葱頭 紅辣椒鑊氣十足 鹹香味香濃 虎蝦份量大隻 爽口彈力 💕🥬炒泰國通菜 $88 ❣️ 鮮嫩脆口 炸蒜香味十足 好有鑊氣 碟鹹香惹味🥥斑斕椰子湯圓 $78 ❣️傳統的泰式甜品外面是煙韌斑蘭湯圓皮 中間包裹完整椰糖 椰香味濃郁 斑蘭清香 甜而不膩👍🏻👍🏻Highlights✨老闆兼主廚 澳洲人Adam Cliff 任職泰國菜主廚多年裝修🪵以懷舊泰式風情為主題 歷史感斑駁家具 古老小販檔陳設 泰式鐵標牌作裝飾🩷味道正宗 泰國食材👍🏻🖤份量較少 價值比較低 回頭率較低Dining Tips 🖍️▪️不設預約 ▪️10% services charge is required 味

聽講呢間泰國野好好食， 所以突登過來港島試一試。未到晚上7 點來到已經一堆人係度等緊。去到門口會叫你留電話，之後話你知大概等幾耐（我地今次要等30~40mins) , 有位會再打俾你。炒泰國通菜幾香口+有鑊氣，味道偏辣泰式虎蝦炒金邊粉幾香幾惹味又唔會太油，金邊粉唔會炒到爛，而且有四隻大蝦，不過就CP 值唔算高芒果百香果沙冰呢個係我覺得最好飲既item, 成個沙冰充滿住真實既芒果味，好足料，加左百香果令口感豐富左同埋佢既酸甜可以中和一下芒果既甜👍🏻整體來講野食算唔錯， 不過如果要排隊等成個鐘就唔太值， 而且CP 值唔算高，D 侍應都係會趕住收野想你快D 埋單咁。相信有可多類似既質素既泰國野係平D 又唔洗得咁耐。

I finished work early today and decided to try something new . I arrived 6:10pm which was great as there’s still table available. No need to line up. When I asked the receptionist for table. She asked for my phone number. As I’m walk-in customer, there is no reason to collect my number so I refused . She then asked again that it is company policy to collect this information. That’s unacceptable. No op-out . No practical reason to collect this info given I’m walk in. So I decided to wal

Samsen has been a favorite since it opened its original Wan Chai location. Always high quality, always busy, always leaves me stuffed. Before we got married, my wife and I went on several dates to the Wan Chai branch and after the Sheung Wan location opened closer to our flat, we have split time between the two.This location has a larger menu: more curries, satays/skewers, some different drink options. It’s also larger (and therefore noisier). But Samsen always delivers a quality night out. Best

食物質素尚可， 但性價比不高，貴，裝修okay, 但冷氣唔夠， 特別是夏天一定唔會係覺得坐得舒服， 最緊要 l員工太度超差，好似奉旨，食左一個鐘都冇，杯野都未飲完，就問你要唔要轉外賣杯趕你走，唔會再有下次的餐廳The quality of the food is acceptable, but the price/performance ratio is not high. It's expensive. The decoration is OK, but the air conditioning not enough. It will definitely not be comfortable to sit in, especially in summer. The most important thing is that the staff' services is too bad. It seems that we are ordered to eat for less 1 hour, and i didn't finish my drink, they ask me take

一開始係貪方便見到上環開咗分店，所以就約咗朋友喺上環呢邊等。之前食開灣仔嗰間覺得不錯，兩間下晝都係要早啲去排隊齊人先入得，最好12:15之前去到就好快入得Menu同灣仔店好似有啲唔同不過佢大部份叫嘅嘢食都係粉麵飯，冇乜太多蛋白質半開放式設計，有時夏天熱起上嚟都幾熱下泰式奶茶同檸檬茶都係唔算好濃郁建議唔需要浪費卡路里蟹肉炒飯同炒河粉都好食但係比起灣仔都係有啲距離只係份量有啲少如果每人淨係叫一份食物應該都唔係好飽平均消費大概150到$200如果唔叫甜品不過食過呢間嘅椰子雪糕麻麻哋置地嗰間泰國嘢嘅椰子雪糕就好食好多下次都係去返灣仔店穩陣啲

首先，食物係唔錯，不過價錢真係貴。但係佢收得我呢個價錢竟然食咗一個鐘都冇就趕我地走話要埋我哋張枱拍埋變做一張大枱俾人地，跟住我話乜有限時嘅咩？女waiter諗咗一陣先講話90分鐘限時。咁我而家先食得過60分鐘都冇，同埋入咗嗰陣你哋並沒有說明有限時，反映完就話咁你哋調去bar枱啦，簡直離晒譜你自己分枱有問題，就要逼我哋走，好啦，我都讓一步話可以坐另一邊嘅枱（剛剛有人走咗）個女waiter居然同我講話如果你坐呢張只可以坐15分鐘，真係嬲到乜心情都冇晒，即刻埋單走人，以後永遠唔會食呢間嘢

lunch 喺Samsen泰館食咗佢哋嘅招牌泰式蟹肉炒飯、泰北肉碎生菜包同泰式火車和牛炒飯。泰式蟹肉炒飯帶有濃郁嘅泰式風味，蟹肉鮮甜，炒飯香氣四溢，每一口都令人驚喜。泰北肉碎生菜包則是結合了肉碎嫩滑與生菜爽脆的口感，清新又開胃。至於泰式火車和牛炒飯，和牛肉質鮮嫩多汁，配上炒飯的香氣，美味無比。食過咁多間泰國嘢嚟講，對比起其他嘅泰國嘢，Samsen泰館的菜色真係道地泰式風味，令人彷彿置身泰國街頭小巷中。