江蘇銘悅

營業中

休息中

今日嚟到呢一間位於上環誠信大廈嘅江蘇銘悅中菜館，呢間中菜館環境十分典雅，入到嚟嘅感覺十分舒適😊。。無錫雙魚兒呢道塞好開胃，細細條嘅脆鱔同白飯魚炸得好酥脆，咬落卜卜聲，味道方面酸酸甜甜，唔覺唔覺就食晒，食得好過癮🤪。。魚子醬海鹽糖心燻蛋糖心蛋好精緻，個流心嘅程度烹調得啱啱好，魚子醬同埋海鹽完美咁提升咗個糖心蛋嘅味道，食落好香口😝。。農家菜乾冰糖走油小元蹄個小元蹄好有江蘇嘅地道風味，充滿農家菜嘅特色，小元蹄肥瘦適中，食落口好軟淋，而且肥而不膩，推薦👍🏻。。招牌灌湯小籠包小籠包皮薄喊靚，薄得嚟個皮依然堅挺，好有韌性，唔會一夾就散，入邊個餡調味啱啱好，而且入面係滿滿嘅湯汁，沾上醋，味道更加濃郁😍。。孜然香辣花菜孜然味好濃郁，花椰菜炒得好有鑊氣，上到嚟已經香氣撲鼻，再加上花椰菜爽口嘅口感，越食越惹味😋。