影片
以上資料只供參考, 請與餐廳確認詳情
有關獎賞計劃
優惠
相關文章
老細話下星期有個客黎香港🇭🇰同佢食個午餐，想搵間既經濟又得體嘅中菜！個客係澳門黎香港，我就搵左最近上環港澳碼頭嘅中菜館！呢間中菜館有推出商務午餐，請客或聚餐都好合適，裝修以古典中式傳統為主題，藍色為本的裝潢特顯貴氣，主打以江蘇地區的美饌，創新江浙菜美味！揀選主推嘅商務午餐就好啱見客！三小碟🧆雙色鎮江肴肉、蔥油海蜇頭、魚子醬海鹽糖心燻蛋鎮江醋製作成啫喱，連同肴肉一啖入口，既彈牙又含有鎮江香醋嘅獨特酸香味。蔥油海蜇頭好爽脆清新。另外海鹽燻糖心蛋配搭魚子醬夠大方得體，煙燻香味十足，夠流心滑溜！雲南真菌螺頭老雞燉湯🍲燉湯嘅湯料好足，雞肉、豬肉、元貝、螺頭都能帶出甜味，配埋真菌好濃郁甘甜！楊枝沙律海虎蝦球🦐海虎蝦本身就好爽脆彈牙，外層炸得好香脆，外面嘅楊枝沙律醬汁酸酸甜甜！蔥燒刺參黑豚方肉🐷刺參夠爽滑，黑豚脂肪分布平均，配搭濃香醬汁夠入味！泡椒銀鱈魚片🐟以為用左泡椒製作會好辣，估唔到只係微辣濃香，銀鱈魚片入口夠滑溜，唔會遮掩魚嘅鮮味！高湯浸上海雞毛菜🌿食完啲較濃味嘅菜式，黎估金華火腿浸時蔬夠清香！招牌灌湯小籠包🥟小籠包皮薄餡靚，充滿濃香肉汁！最鍾意食小籠包一入口爆汁嘅口感！精美甜品🍮食到好飽仲帶份靚靚甜品，為精美嘅一餐劃上完美句號！🥢上環江蘇銘悅📌地址: 上環干諾道中130-136號誠信大廈2樓
繼續閱讀
江蘇銘悅位於上環干諾道中130-136誠信大廈2樓 ，地鐵站行過去1分鐘就到，非常方便這是一間非常高質嘅中菜廳，主打係正宗江淅菜，地方寬敞，格調雅致清幽，足夠嘅空間感，入面仲有私人包廂雙色肴肉，蔥油海蜇頭，魚子海鹽燻蛋，肴肉口感軟嫩甘香，燻蛋是流心蛋表面加上魚子，鮮香濃郁，海蜇頭非常爽脆每樣前菜都很好味雲南真菌螺頭老雞燉湯，雞肉經過長時間燉煮，湯汁吸收了雞肉的鮮香，燉湯清甜飲落有螺香，雞香，真菌的甘甜與雞肉的鮮美交織，湯底不會過於油膩，啖啖都是精華楊枝沙律海虎蝦球的味道清新爽口，海虎蝦球經過精緻的調理，蝦肉彈牙，蝦球的鮮甜，搭配上特製的沙律醬，增添了一層酸甜的風味蔥燒刺參黑豚方肉，肉質鮮嫩多汁，經過精心燒製後，保持了豐富的肉汁。搭配刺參，口感滑嫩，吸收了燒汁的精華泡椒銀鱈魚片的味道十分誘人，鮮香與微辣交織在一起，銀鱈魚肉質細膩，經過泡椒的調味後，吸收了香辣的醬汁，讓魚片散發出濃郁的香氣高湯浸上海雞毛菜的味道，非常鮮美，高湯本身由多種食材熬製而成，湯底清澈且富有層次感，當雞毛菜浸入高湯中，菜葉吸收了湯汁的鮮香，使得菜本身的清甜味道更加突出，雞毛菜的口感脆嫩，與高湯的滑順形成對比，咬下去時能感受到清新的蔬菜香氣，伴隨著高湯的鮮美，令人食指大動招牌灌湯小籠包的外皮薄而韌，輕輕一咬便能感受到內餡的豐富湯汁，鮮美的湯汁如洪流般涌出，瞬間在口中散開
繼續閱讀
每次從外國🧔🏻來的客戶，總是對香港精湛的粵菜讚不絕口，特別是對中菜的熱愛更是明顯。生活在香港真的很幸福，各種美食應有盡有。這次，我們選擇了一家別具一格的餐廳，特別推薦它的商務套餐，充分展現了粵菜的精湛工藝。開場的三小碟已經讓人眼前一亮，雙色鎮江肴肉質地細膩，肉凍晶瑩，醋香提味，層次分明。蔥油海哲頭鮮嫩可口，翠嫩清爽，麻油點睛。魚子醬海鹽糖心燻蛋溏心細滑，魚子醬與煙燻香平衡得宜，是創新與傳統的完美結合。🥚雲南真菌螺頭老雞燉湯湯色澄澈，湯底甘甜，食材選用上乘，螺頭彈牙，老雞肉質軟糯。🍜楊枝沙律海虎蝦球🦐是亮點之一，蝦球新鮮彈牙，搭配特製果醬，酸甜可口。蔥燒刺參黑豚🐖方肉則完美展現了大廚的火候掌控，燜煮入味，刺參軟糯吸附濃醬，黑豚肉肥而不膩。泡椒銀鱈魚片選用上等銀鱈🐟，魚肉細嫩似豆腐，泡椒的辛香提升了整體風味而不搶戲。高湯雞毛菜，高湯的鮮味完美襯托了菜的清甜。招牌灌湯小籠包🥟，皮薄湯汁豐盈。甜品🍯清燉雙雪，雪耳軟糯，雪梨清潤，甜度適中，為整頓飯劃上完美句點。這家餐廳的商務套餐每道菜品都經過精心設計與搭配，無論是食材的選擇還是烹飪技巧，都相當講究，份量也恰到好處。用餐環境典雅舒適，讓人倍感放鬆，是一場令人回味的美食饗宴，尤其讓外國客戶流連忘返。🥗🏮江蘇銘悅 @jiangsu.club#香港美食 #上環美食 #上海菜 #上環探店 #江蘇銘悅 #jiangsuclub #打卡 #江蘇菜
繼續閱讀
江蘇銘悅餐廳位於港島上環干諾道中13O號誠信大廈2樓,餐廳裝修高尚典雅,座位寬敞舒適,設有多間vip房,餐廳位置交通方便,適合商務飯聚一個好地方,餐廳主打江浙菜,有多款商務套餐供客人選擇,服務員招呼殷勤有禮。商務套餐三小碟雙色鎮江餚肉,蔥油海蜇頭,魚子醬海鹽糖心燻蛋,雙色鎮江牛肉由豬肉和鎮江黑醋組成,口感甜酸醋味,海蜇頭爽口彈牙,溏心蛋口感薰煙味。雲南真菌螺頭老雞燉湯燉湯內有金華火腿和瑤柱令湯底清甜帶有鹹香味,係冬天滋潤補湯之一。宮保海虎蝦球宮保汁酸甜,味微辛,蝦球食落爽口兼彈牙。百葉子櫻桃肉櫻桃肉廚師用五花腩製作,肥瘦分明,口感腍滑,百葉子有濃郁荳味。海苔酥脆魚片配有沙律醬,炸漿不太厚,廚師加入海苔風味,魚片外皮口感酥脆,魚肉仍保持多汁。乾煸四季豆四季豆配料有肉碎,四季豆味辛帶有蒜香味,越食越惹味。招牌小籠包小籠包配有黑醋和薑絲,皮薄餡靚,咬落即時爆汁,肉香在口內四泄。甜品雪耳燉雪梨雪耳燉雪梨配料還有杞子和馬蹄,微甜,冬天滋潤甜品。#jiangsuclubhk #上海菜 #中菜 #中菜館 #上環餐廳 #上環美食 #江蘇銘悅 #jiangsuclub#打卡 #江蘇菜
繼續閱讀
3596 瀏覽
契媽收到風上環有間江蘇菜館「江蘇銘悅」近日推出咗個超抵嘅鮑翅優惠，不過只限於一月十九日前經OpenRice訂位先可享用，所以就好急忙地相約為食小組探索一番。網上訂座流程簡易快捷，回覆確認短訊後，聯絡人即提點部份菜式必先預訂，溝通清晰直接。樓上中菜廳屬「CSC Collective」飲食集團旗下，據悉以做房為主。通道有個大型酒櫃，相信貴客均為好飲之人。用餐大堂光線充裕，樓底雖然唔高，但勝在有地毯吸音，厚墊椅櫈亦十分舒適，散枱唔會背貼背，有足夠嘅活動空間，只係午市爆滿，小肥不便四周拍照，以免影響其他客人。每位席上擺有齊備嘅自用及共用餐具，碟上嘅山水畫秀氣得好有詩意。厚本散點餐牌中英對照，並附有彩圖參考，由於實在太多頁，細佬影影吓已經冇哂心機，喺度上載頭兩頁，以展出餐廳理念及廚師精選江蘇饗宴。為迎合上班一族，店子亦有續位計嘅套餐選擇。其中有個「鮑參翅肚嚐味套餐」做緊特價，$980/位似乎好豐富吸引喎。蟹后靚靚媽咪見到兩頁節令蟹粉菜單，已立心蛇年中秋後返黎一試。雜項收費包括茗茶$28/位、開胃菜$25/碟、標準裝紅白汽酒開瓶費$200/樽、烈酒開瓶費$400/樽等。雞絲粉皮（$78）：頭盤雞絲粉皮以金光閃閃嘅碟盤上，貴氣十足！墊底半透明嘅粉皮煙韌潤彈，伴入柔軟嘅雞絲及清脆嘅青瓜絲令口感更有層次，淋上香濃嘅麻醬已夠惹味。雙色鎮江肴肉（$128）：堅挺晶瑩嘅鎮江肴肉肉香唔膩，柔韌細密，深啡色層醋香啫喱亦好醒胃，組合十分清新。黃湯炆原隻鮑翅（優惠價$268；原價$498）：XO仔欠缺拍攝技巧，所以淨睇下面幅相未必睇得清楚看似明月嗰梳原隻鮑翅確真足両！厚厚嘅鮑翅軟腍爽嫩，奶黃色嘅黃湯原來係混入咗雞湯及雞肉嘅精華所淆製，香濃滑溜，$268/位絕對超值！紅燒原隻鮑翅（優惠價$268；原價$498）：鮑翅個靚樣喺紅燒湯底內更為突出震撼，不過有對比下，個紅燒湯底明顯冇黃湯咁香滑甜濃，略為遜色，大肥爸爸話齋，食翅翅都一樣「最怕貨比貨」！龍井河蝦仁（$248/五両）：細細隻嘅蝦仁閃出油光，不用多點汁醬最為清甜爽脆，簡單可口。清燉蟹粉獅子頭（$180/位；兩位起）：圓碌碌嘅蟹粉獅子頭清香鮮甜，質感鬆嫩唔實，不過如果可以加多少少肥豬肉效果應更潤滑。上湯豆胚（$328）：翠綠嘅豆胚超級嫩口，正菜冇得彈！十三香蔥油餅（$78）：預先切成四件嘅蔥油餅好似三文治咁，賣相簡潔得黎毫不油膩，外層嘅餅皮輕盈脆薄且好夠乾巧，最正係中間夾得夠多蔥，香口又足料！招牌灌湯小籠包（$88/四件）：小籠包皮層巧薄Q彈唔易穿，輕輕咬開頂部即可啜出熱辣甜美嘅湯汁，連同軟嫩嘅豬肉一啖食埋落口都唔覺溜，嘻嘻，一人食一籠都絕冇難度呀！妃子笑炸湯圓（$88/四件）：經理姐姐推介嘅甜品特色在炸湯圓個糯米皮撈入咗火龍果汁搓成，質感香酥煙韌，傳出陣陣嘅果香微甜不滯口，炸皮一裂開，當中嘅流沙咸蛋奶黃餡心迅即溢滿口腔，芳香尤甚。上環樓上中菜館「江蘇銘悅」環境光鮮優雅，服務生友善好客，江蘇名菜雖價價偏高，但幸好高質味佳，最抵就係可以於推廣期內以$268享用色香味俱全嘅黃湯明月鮑翅！
繼續閱讀