江蘇銘悅

平時食開嘅weekend Brunch 都主要係啲生冷嘢，未必太啱長輩口味。但上星期嚟上環江蘇銘悅呢度嘅weekend Brunch 就完全唔同，先唔講free flow 香檳，佢哋熱辣辣嘅點心，包點，小炒，全部任食！除此之外仲有我好鍾意食溏心鮑魚，軟糯嘅口感，海參夠大夠味，魚翅份量足料（假如大家唔好魚翅係可以轉嘅），呢間主打江蘇菜嘅中菜，環境靚，坐得舒服，菜單種類真係多到你唔知點揀。

呢個 brunch，只係 $488 蚊一位，已經有齊小食3點，我最鍾意就係海蜇花，超爽口。點心任食基本嘢，但係質素真係好過好多出面標榜點心放題嘅舖頭。

蝦餃大隻已經正，酸辣湯夠惹味；生煎包係傳統水煎方法，好好食，外脆內軟，又有咩紅油抄手，醉雞，蘿蔔糕，小籠包，銀絲卷，炒菜，麻婆豆腐，炒鮮奶，上海粗炒等等。。。絕對無可能唔飽！假如加紅白酒，香檳free flow就再貴少少 。

總括嚟講，江蘇銘悅brunch性價比高，唔一定要飲酒package。位置係上環MTR旁邊，行兩步就到，推介！